Luka Tè̤hébè Ré̤ Dố Nyě
Tè̤hébè Ré̤ Dố Nyě
Li tè̤thè́krṳ̂̌mila Luka yětôba ma a héluô̌ pé̤ pè̤ Jesǔ ma a htwǒ prè̤me̤lwóhteka̤ Israelphú tahe a Byacè ná prè̤me̤lwóhteka̤ prè̤luhekhuphú tahe a Byacè nyě̤mṳ lò̌ ari-akyǎ. Luka rǎmárǎdyǎ ná Thè́ Sǎsè̌ Byacè è́ Byacè Jesǔ dố a ki phyéhyǎ pé̤ kayǎ sǒrya̤sǒpháphú tahe a tè̤thè́krṳ̂̌mila. Tè̤thè́krṳ̂̌thè́lò̌ o bí li tè̤thè́krṳ̂̌mila Luka yětôba akǔyěnuô, myáhtyeluô̌ khódû bí ǔ héluô̌ ná Byacè Jesǔ hyǎpǎ akhè̌nuô, ná bí Byacè Jesǔ ka̤kahtya dố mò́khu akhè̌nuô hò́. Byacè Jesǔ ka̤kahtya htuô̌ dố mò́khu akhè̌nuô, Krístuphú a tè̤zṳ̂́tè̤nyá̤ tahe duhtyahtǔhtya, luô̌htyěluô̌ké̤, luô̌pasǐ cuốlò̌ ari-akyǎ tahenuô, prè̤rǎli yětôprè̤nuô, a rǎluô̌ kuô̌pó̤dû tè̤ritè̤kyǎ yěnuô dố Li Prè̤dônyǎphú tahe akǔnuônuô.
Tè̤dyá tahehenuô, myáhtye prè́tû́ bí li tè̤thè́krṳ̂̌mila Luka yětôba akǔ prè́nuô a-o tahehe. Pè̤ myáhtye kryá꤮ maǐtě hérò, pè̤ myáhtye ná mò́khu tanéphú tahe irǒní̤ tè̤dyá tahe ari-akyǎ, ná prè̤kyě̤thímíphú tahe hyǎ olě tuố̤kuô̌ dố Jesǔ lé̤opacè̤̌lya̤ akhǎlé̤ ari-akyǎ, Jesǔ hyǎnuô̌ otố̤kuô̌ dố tè̤lǔtyǎ hǒkǔ phú pacè̤̌ prè̤khǔphú tôprè̤ ari-akyǎ, htuô̌rò tè̤dyá khákho Samariaphú dố aryá tôprè̤ ari-akyǎ ná phúprè̤khǔ dố a cuốthû́klyá nuôtôprè̤ ari-akyǎ. Li tè̤thè́krṳ̂̌mila yětôba lò̌nuô, a dyadu nyacò́ tè̤kwǐcò́bè̌, Thè́ Sǎsè̌ Byacè, prè̤mò nuô̌ me̤pa tố̤kuô̌ dố Jesǔ a tè̤phyétè̤me̤ akǔ, ná Cò́marya plwǒkyǎ ǔ tè̤me̤thû́ tahe ari-akyǎ.
Tè̤hébè tôtó̤ ná tôtó̤
Tè̤hébè ré̤ dố nyě 1:1-4
Giovanni Baptista ná Byacè Jesǔ a tè̤opacè̤̌lya̤ ari-akyǎ ná a tè̤ohtwǒprè̤ dố apacè̤̌khè̌ ari-akyǎ 3:1-2:52
Giovanni Baptista a tè̤phyétè̤me̤ 3:21-4:13
Byacè Jesǔ plwǒhtyě ari-akyǎ ná khǐnéricyá̤ khuklò́ ilo-ilyá lǔ ari-akyǎ 3:21-4:13
Byacè Jesǔ me̤tè̤ dố kayǎ bè́mṳ aklè̌ dố Galilea ké̤kǔ 4:14-9:50
Cáhtya dố Galilea tuố̤dố vǐ̤ Jerusalem 9:51-19:27
Tè̤htwǒhtya ané̤ dốkhyělốǔ tôklè́ bí vǐ̤ Jerusalem akǔ 19:28-23:56
Byacè Jesǔ thyěihtò ka̤khyě, dyéluô̌khyě ǔ ná ané̤, ná a kahtyakhyě dố mò́khu ari-akyǎ 24:1-53
বর্তমানে নির্বাচিত:
Luka Tè̤hébè Ré̤ Dố Nyě: kyuLNT
হাইলাইট
শেয়ার
কপি
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.