Popular Bible Verses from GÉNESIS 1

শেয়ার

Jayave Tumpa jei: “Yayapo kuimbae yande rami, togüɨnoi mbaepuere jevae reta ɨguasu rupigua re, güɨra reta re, mbaemɨmba reta ɨvɨ pegua re, jare opaete mɨmba reta ipɨtía re oguata vae re.” Tumpa oyapo kuimbae jae rami kuimbae jare kuña oyapo.

Jare iporerekua jese reta; jei chupe reta: “Peñemuña jare pemotɨnɨe jare peiporu ɨvɨ; peyangareko jare penoi mbaepuere jevae reta ɨ rupigua re, güɨra reta re, jare opaete mbaemɨmba reta omɨi ɨvɨ rupi vae re.”

Iyɨpɨ ete pe Tumpa oyapo ara jare ɨvɨ.

Jare ɨvɨ ndeiño oyekuaa kavi jare ipombae oiko. Pɨtumimbi ɨvɨ iárambo rupi jare Tumpa iEspíritu omɨi ɨguasu iárambo rupi.

Jare Tumpa jei: “¡Toiko tembipe!” Jare oiko tembipe.

Tumpa omae opaete oyapogüe re, oecha ikavi yae ete jembiapo reta. Jökorai ou pɨ̈tu jare ara, jae ko ovaa ara pe.

Jare Tumpa oecha tembipe ikavi yae; Tumpa omboyao tembipe pɨtumimbi güi.

Jare Tumpa jei: “Ko amee peve opaete temitɨ oime jäɨ vae, ɨvɨ re oï vae. Jare opaete ɨvɨra ia vae jare oime jäɨ vae; amee peve perembiurä.

Jare ombojee jókuae tembipe “ara”. Jare ombojee jókuae pɨtumimbi “pɨ̈tu”. Jökorai pɨ̈tu jare ara, jae ko tenondegua ara pe.

Jaɨkue rupi Tumpa jei: “Toiko ara oasavi vae ɨ ipäu pe, omboyao vaerä ɨ reta oyougüi.”

Jare opaete mɨmba ɨvɨ pegua reta, jare güɨra reta, jare opaete ɨvɨ iárambo oime jekove vae, ñana togüɨreko jembiurä.” Jare oiko jökorai.

Javoi Tumpa jei: “Toime omoembipe vae reta ara oasavi vae re. Omboyao vaerä ara pɨ̈tu güi; jökorai ipuere vaerä oyepapa ara reta jare año reta, iroɨ jare araku iara.

Jaɨkue rupi Tumpa jei: “Ɨvɨ tomoñemuña ñana jokɨ vae, temitɨ jäɨ vae reta; ɨvɨra ia vae, metei ñavo ambuaeyee ia oyougüi vae: Jare toï ia iyɨvɨte pe jäɨ, ɨvɨ iárambo.” Jare oiko jökorai.

Jare Tumpa oyapo ara oasavi vae, jare omboyao ɨ, ara oasavi vae igüɨ pe ñogüɨnoi vae, ɨ amapɨtu ara oasavi vae re ñogüɨnoi vae güi. Jare oiko jökorai.

Jare ɨvɨ omoñemuña opaete ñana jokɨ vae, jare temitɨ ñavo ñavo ambuaeyee ia jare jäɨ vae, güɨnoi ia iyɨvɨte pe jäɨ vae. Jare oecha ikavi yae ko.

Tumpa oyapo jókuae mókoi tuichagüe omoembipe vae reta; jókuae tuicha yae vae, omoembipe vaerä ara pe. Jókuae michi äve vae, omoembipe vaerä pɨ̈tu yave. Oyapo vi yasɨtata reta.

Jei vi körai Tumpa: “Toyemboatɨ ɨ reta ara igüɨ pe oï vae meteia peño, jare toyekuaa otini vae.” Jare oiko jökorai. Tumpa ombojee jókuae otini vae “ɨvɨ” jare ɨ yatɨ vae ombojee “ɨguasu reta”. Jare oecha ikavi yae ko.

Jare iporerekua jese reta, jei körai: “Peñemuña jeta jare pemotɨnɨe ɨguasu. Güɨra reta, peñemuña jeta kuae ɨvɨ iárambo.”

Tumpa jei: “Tomoñemuña ɨvɨ mbae oikove vae reta ñavo ñavo ambuaeyee vae: Mbaemɨmba reta tëta rupigua jare ñana rupigua, jare opaete ïru mɨmba ɨvɨ iárambo omɨi vae.” Jare oiko jökorai.

Tumpa jei: “Tomoñemuña ɨ mbaembae oikove vae reta, jare güɨra reta oveve ɨvɨ iárambo rupi vae, ara oasavi vae rupi.”

Körai Tumpa oyapo opaete kuae mɨmba reta. Jare oecha ikavi yae ko.