Popular Bible Verses from Luku 18

শেয়ার

Peŋka ŵalilaŵile ukupalanya kuli ŵo ati: Ukwelelwa aŵantu ukulukutembela impindi yonse nekuwulo'kutembuka.

Kansi ŵaLesa taŵakaŵapindila-ko aŵa ŵasalulwile, aŵalukuŵalilila pakasuŵa napaŵusiku, naŋgawa ati ŵalukukokola kuli ŵo impindi ikulu? Ndukumuŵuleni ati ŵakaŵapindila-ko bwaŋgu bwaŋgu. Naŋgawe'fyo, pakwisa Umwana waMuntunsi, kani akasaŋga ukucetekela pacalo capansi?

Sombi naŵo ati: Ifyo-fintu ifikaŋga aŵantu, filiisiŵilwe kuli ŵaLesa.

Lomba alikene impindi ikulu; sombi pantanjile alilaŵile mumutima wakwe ati: Naŋgawa ati nsitonda-po ŵaLesa, neli kuwalaŋguluka-po aŵantu, naŋgawe' fyo, pakuti uyu-mukakusyala alukuŋkatasya, ŋkamupindila-ko, eŋgesa mukumpensya lukoso pakuti pakwisa kwakwe ukwansiku syonse.

Icinenene ndukumuŵuleni ati aŵantu ŵonse, utaakapoka-po Uŵufumu bwaŵaLesa koti mwanice, uyo tesi akenjile-mo mulya neli kwinjila konse.

Sombi ŵaYesu ŵaliŵetile, nekulaŵila ati: Ŵalekeni aŵanice ati ŵese kuli neŵo; tekuŵakanya; pakuti Uŵufumu bwaŵaLesa ŵuli kuŵakuŵe'fi.

Kumfwa ŵaYesu kaŵayeŵa ati: Ŋgopoke ukulaŵa koŵe: ukucetekela koŵe kwakukosya.

Kumfwa ŵaYesu kaŵamweŵa ati: Mbanindo ulukunjilika neŵo ati Uweme? Tapali-po umuntu uweme, sombi ŵamo ŵeŋka, eŵaLesa!