Popular Bible Verses from San Juan 7

শেয়ার

Xa̱ꞌ síí amán rá niꞌya̱j manj, tza̱j ne̱ quiri̱ꞌ soꞌ se vaa taj Danj Yaꞌanj rihaan níꞌ a. Dan me se ase vaa ꞌo̱ chráá sa̱ꞌ ndoꞌo nu̱u̱ na sa̱ꞌ ina̱nj roꞌ, da̱nj ga̱a̱ se sa̱ꞌ cu̱nuû nimán síí amán rá niꞌya̱j manj, ne̱ caꞌve̱e ga̱a̱ iꞌna̱ꞌ nimán soꞌ ado̱nj ―taj Jesús a.

Dan me se ga̱a güii navi̱j chaꞌanj, güii noco̱o doj, ne̱ canicunꞌ Jesús, ne̱ cataj soꞌ a: ―Sese ase vaa síí nacoo̱ ndoꞌo na vaa soj, ne̱ caꞌna̱ꞌ soj rihanj, ne̱ rque̱j na achiin ya̱ man soj á.

Da̱nj taj Jesús, caꞌmii soꞌ cheꞌé Nimán Yaꞌanj cu̱nuû nimán nij síí cuchumán rá niꞌya̱j man soꞌ a. ꞌO̱ se ataa caꞌna̱ꞌ Nimán Yaꞌanj rihaan yuvii̱, ese ataa quisi̱j güii quina̱nꞌ Jesús rej xta̱ꞌ ne̱ niꞌndaj ya̱ sa̱ꞌ veꞌé gu̱un chij soꞌ a.

Se̱ guun xca̱j soj cuentá cheꞌé se vaa ꞌyaj yuvii̱ ni̱ꞌyaj soj cheꞌé ina̱nj tucuáán noco̱ꞌ soj maꞌ. Tana̱nj xca̱j soj cuentá ni̱ꞌyaj soj nana̱ nica̱ ya̱ na̱nj á ―taj Jesús rihaan nij yuvii̱ a.

Xa̱ꞌ síí aꞌmii snana̱ maꞌa̱n, tza̱j ne̱ ina̱nj me rá soꞌ caꞌmi̱i̱ sa̱ꞌ yuvii̱ cheꞌé maꞌa̱n soꞌ ado̱nj. Tza̱j ne̱ sese me rá ꞌo̱ soꞌ caꞌmi̱i̱ sa̱ꞌ yuvii̱ cheꞌé síí caꞌnéé man soꞌ, ne̱ ina̱nj nana̱ ya̱ cheꞌé síí caꞌnéé man soꞌ aꞌmii soꞌ, ne̱ ne nanoꞌ soꞌ chrej chiꞌi̱i̱ maꞌ.

Cheꞌé dan cataj Jesús rihaan nij soꞌ a: ―Xa̱ꞌ tucuáán tucuꞌyón ꞌu̱nj, tza̱j ne̱ né tu̱cuáán cavii raá ꞌu̱nj me nihánj maꞌ. ꞌO̱ se stucua̱nj Yaꞌanj síí caꞌnéé manj me tucuáán nihánj chugua̱nj.

Taj cheꞌé quita̱j riꞌyunj nij síí ma̱n rihaan chumii̱ nihánj man soj maꞌ. ꞌU̱nj roꞌ, vaa cheꞌé quita̱j riꞌyunj nij soꞌ, ese ꞌu̱nj me síí taj xnaꞌanj rihaan nij soꞌ se vaa chiꞌi̱i̱ ndoꞌo vaa ꞌyaj nij soꞌ ado̱nj.