Popular Bible Verses from Mak 4

শেয়ার

Pe, pu'am rahã, hãtã ywytu keruhũ pe Jesu pandu. —Mã peja ym! Eputu'u katu ihẽ pe — aja riki. Y kotok keruhũ pe pandu tĩ: —Mã peja ym! Ewapyk katu — aja riki. Pe, ywytu keruhũ putu'u. Y ke wapyk katu te tĩ. Pe, jumu'eha ta pe pandu: —Mã! Pekyje ym ta me'ẽ te'e. Ihẽ rehe pejurujar ym my rĩ — aja Jesu.

Anĩ. Jumu'eha ta kyje hũ. Pandu a'eta jupe: —Mã! Katu tiki! Pyrãtã te ame'ẽ ke kohĩ! Je'ẽha rehe ywytu keruhũ hendu katu! Y kotok keruhũ aja tĩ. Hendu katu ehe tĩ. Mã! Myja me'ẽ sawa'e ko my? — aja jumu'eha ta pandu.

Jarusu keruhũ tangwa koty Jesu ukwer ou. Iãkã renda rehe iãkã mupyta. Aja ukwer ou. Pe, amõ mupak oho. Pandu ipe: —Sa'e! Jande ke jajere tate riki. Nde erema'e ym ma'e ke my? — aja Jesu pe.

A'e pandu tĩ: —Amõ pandu rahã, pehendu katu ehe. Pehendu tar ym rahã, pehẽ pe Tupã mujekwa ym ta. Pehendu tar katu rahã, pehẽ pe a'e mujekwa katu ta. Jete. I'ar koty te we mujekwa katu ta pehẽ pe.

Pe, a'e pandu tĩ: —Ihẽ amu'e ame'ẽ ke myja my? Ame'ẽ rehe har pehẽ pe apandu ta. Ame'ẽ ke kuja. Ywy rehe ma'e ra'ĩ ke amõ muhãi. Pe, ima'e ke rehe a'e ma'ema'e oho ixo. Pytun rahã, aja. Wera rahã aja tĩ. Ima'e ke ma'ema'e oho ixo tĩ. Aja ixo rahã, ma'e ra'ĩ hywõi. Pe, tiha oho. Myja tihaha my, ukwa ym awa.

Pekwa tar katu rahã, pehendu katu 'y — aja Jesu pandu.