Popular Bible Verses from لُوقا 8

শেয়ার

وَ التَّيْرَابْ الْوَقَعْ فِي التُّرَابْ الْعَدِيلْ يِمَثِّلْ النَّاسْ الْيَسْمَعَوْا كَلَامْ اللّٰهْ وَ يَكُرْبُوهْ بِحَقّ وَ قَلِبْ عَدِيلْ. وَ يَصْبُرُوا وَ يِجِيبُوا نَتِيجَةْ عَدِيلَةْ.

وَ التَّيْرَابْ الْوَقَعْ فِي أُسْط الشَّوْك يِمَثِّلْ النَّاسْ الْيَسْمَعَوْا كَلَامْ اللّٰهْ وَ لَاكِنْ مَشَاكِلْ الدُّنْيَا وَ رَيْدِتْهُمْ لِلْمَالْ وَ شَهْوَاتْ الْحَيَاةْ يَكْتُلُوا كَلَامْ اللّٰهْ الْفِي قُلُوبْهُمْ. وَ بَيْدَا، كَلَامْ اللّٰهْ مَا يِجِيبْ نَتِيجَةْ.

وَ التَّيْرَابْ الْوَقَعْ فِي بَكَانْ حَجَرْ يِمَثِّلْ النَّاسْ الْيَسْمَعَوْا الْكَلَامْ وَ يَقْبَلَوْه بِفَرْحَةْ لَاكِنْ يِآمُنُوا لِوَكِتْ شِيَّةْ بَسْ. وَ هُمَّنْ مِثِلْ بِذْرَةْ الْقَمَحْ الْمَا عِنْدَهَا عُرُوقْ. وَ فِي وَكِتْ التَّجْرِبَةْ، يِخَلُّوا دَرِبْ اللّٰهْ.

وَ حَجَّى لَيْهُمْ وَ قَالْ: «وَيْن إِيمَانْكُو؟» وَ هُمَّنْ خَافَوْا خَوْف شَدِيدْ وَ أَلْعَجَّبَوْا مَرَّةْ وَاحِدْ وَ قَالَوْا أَمْبَيْنَاتْهُمْ: «النَّادُمْ دَا يَاتُو؟ هُو أَمَرْ الرِّيحْ وَ الْأَلْمِي وَ هُمَّنْ سِمْعَوْا كَلَامَهْ!»

وَ التَّيْرَابْ الْوَقَعْ فِي الدَّرِبْ يِمَثِّلْ النَّاسْ الْيَسْمَعَوْا كَلَامْ اللّٰهْ لَاكِنْ إِبْلِيسْ يَجِي يِشِيلَهْ مِنْ قُلُوبْهُمْ أَشَانْ مَا يِآمُنُوا وَ يَنْجَوْا.

أَشَانْ مَا فِي شَيّءْ مُلَبَّدْ الْبَعَدَيْن مَا يِنْشَافْ. وَ مَا فِي أَيِّ سِرّ الْمَا يِنْعَرِفْ وَ بَعَدَيْن يِنْكَشِفْ.

وَ خَلَاصْ، الْمَرَةْ عِرْفَتْ كَدَرْ هِي مَا تَقْدَرْ تِلَبِّدْ نَفِسْهَا وَ جَاتْ لِعِيسَى وَ قَاعِدَةْ تَرْجِفْ مِنْ الْخَوْف. وَ سَجَدَتْ قِدَّامَهْ وَ أَوْرَتْ عِيسَى قِدَّامْ كُلَّ النَّاسْ بِسَبَبْ لَمِّسِينْهَا. وَ أَوْرَتَهْ بِكِكَّيْف هِي لِقَتْ الْعَافَيْ طَوَّالِي. وَ عِيسَى قَالْ لَيْهَا: «يَا بِنَيِّتِي، إِيمَانْكِ بَيِّ نَجَّاكِ. أَمْشِي بِسَلَامْ.»

وَ التَّلَامِيذ مَشَوْا لِعِيسَى وَ قَوَّمَوْه مِنْ النَّوْم وَ قَالَوْا: «يَا سَيِّدْنَا! يَا سَيِّدْنَا! أَنِحْنَ مُتْنَا!» وَ عِيسَى قَمَّ وَ كَشَّ لِلرِّيحْ وَ الشَّلَّالْ الشَّدِيدْ. وَ خَلَاصْ، الرِّيحْ وَ الشَّلَّالْ وَقَفَوْا. وَ الْوَطَاةْ بِقَتْ هَادِيَةْ.