Popular Bible Verses from Génesis 3

শেয়ার

Tej ttil xu'j ba'ntok tlo'njtz twitz tze', tbaniltok que'yin ex attok tajben tu'n toc tnabl, eltzun ti'n twitz tze' ex xi tlo'n; ax icx xi tk'o'n te tchmil. Ax icx te xi tlo'n.

Atzunte lobaj mastok jawni twitz cywitz cycyakil txcup ate' tuj c'ul, akeju otok che bant tu'n Kman Dios. Xitzun tkanin lobaj te xu'j cyja': —¿Maj o tzaj tma'n Dios cyeye tu'n mi'n t-xi cylo'ne twitz tcyakil tze' cyxol awal lu?. Chi lobaj.

Cbel nk'o'ne k'oj cyxole tuc'il xu'j, ex cyxol tiyjila tuc'il tiyjil xu'j. Aju tiyjil xu'j cbel pa'n twi'ya tu'n, atzun teya c'oquel ttx'a'na t-xe tkan, chi Dios.

Xitzun tma'n te xu'j cyja': —C'oquel nk'o'ne mas nim ta'w ti'ja oc cyul itz'j tala, ex tuc'il c'ixc'oj che ul itz'j tala. Nim oc tajbeya tchmila, atzun tchmila ccawil tibaja, chi Dios.

C'elel a' ti'j twi'ya tu'n tcnet twaya ocxi taj meltz'aja tuj tx'otx', porque ti'j tx'otx' cub bincha'na; tkukil tx'otx'a, ex ax tkukil tx'otx' c'oquela oc tcyima, chi Dios.

Xitzun tma'n te Adán cyja': —Tu'nju ma txi tnimana tyol t-xu'jila, ex ma txi tlo'na twitz tze' aju xi nma'ne teya: Mi'n txi tlo'na twitz, nchitzune, ja'lotzun cbel t-sentens tx'otx' tu'n tlaja; tuc'il sictle'n ccnetel twaya twitz tx'otx' cyuj cycyakil k'ij ctela twitz.

Xitzun tma'n Dios te cyja': —¿Alcye ma k'mante teya tu'nju minti' txaybil teya tocsa'n? ¿Kape ma txi tlo'na twitz tze' o txi nma'ne teya tu'n mi'n txi tlo'na?.

Tejtzun tetz tlajo'n, e cub tk'o'n querubín ttxlaj awal tuj tjawitz k'ij, tuc'ix jun spad in c'anttok ex in yucchtok tuj tcyakil pac', tu'ntzun mi'n cyocx xjal ti'j ju tze' in tk'o'n chwinklal.

Eva*fn* tbi t-xu'jil Adán oc tk'o'n tu'nju atzun c'oquel te cytxu' cycyakil xjal che ul itz'j.