Popular Bible Verses from Лука 11

শেয়ার

Тійӧ морттэс лӧгӧсь, а челядьнытлӧ кужат керны бур козиннэз. А Енӧжись Айныт эд сетас ни Вежа Ловсӧ Сылісь кориссезлӧ».

Сідз и Ме шуа тіянлӧ: корӧ, и тіянлӧ сетасӧ. Кошшӧ, и адззатӧ. Ёркӧтӧ, и тіянлӧ осьтасӧ.

Быд корисьлӧ сетӧны, кошшисьыс адззӧ, ёркӧтісьлӧ осьтӧны.

Исусыс висьталіс нылӧ: «Кеймиканыт висьталӧ: ─ Миян Ай, енӧжын Олісь! Тэнчит вежа нимтӧ ась быд морт видзӧ сьӧлӧмас. Ась локтас Тэнат Юралӧмыт. Быдӧс ась керсьӧ Тэ сьӧрті му вылас, кыдз и енӧжас.

Тэ простит миянлісь умӧль керӧммезнымӧс, мийӧ эд проститам миянлӧ умӧльӧ кериссесӧ. Видз миянӧс ылалӧмись. Ылӧтлісь дынісь миянӧс мезды».

Быд лун кежӧ вай миянлӧ колан няньсӧ.

Синыт ─ вывтыртӧ югдӧтісь. Синыт кӧ сӧстӧм, быдсӧн вывтырыт югыт. Синыт кӧ умӧль, вывтырыт быдсӧн кольччӧ пемытын.

«Некин ӧзтӧм бисӧ оз дзеб, оз пукты гырнич увтӧ. Сійӧ сувтӧтӧны бивидзан вылӧ, медбы пыриссес адззисӧ югытсӧ.