Popular Bible Verses from लूका 6

শেয়ার

अर द्‍या, त तुमतै भि दिये जालु। अर पूरा नापळ दबै-दबै के अर हिल्‍लै-हिल्‍लै के भरपूरी से तुमरा थैलुन्द भि डळै जालु, किलैकि जै नापळ तुम नापी के दिल्या, वे ही नापळ तुमतै भि नापी के दिये जालु।”

अर उन्‍नि अच्छा मनखि का मन मा अच्छी बात होनदिन, इलै उ अपणा मन से अच्छी बात ही बुल्दु, अर एक बुरु मनखि वेका मन मा जु बुरी बात होनदिन, इलै उ ऊंतैं ही निकळदु। किलैकि जै मनखि का मन मा जन बात भोरी होलि, उई बात वेका गिच्‍चा बटि औन्दिन।”

“पर मि तुम बटि बोन्‍नु छौं, कि अपणा दुसमनों बटि प्यार कैरा, अर ऊंका दगड़ा मा भलै कैरा। अर फिर वापिस मिलणे की आस नि रखी के करज द्‍या। तब तुमतै बड़ु इनाम मिललु, अर तुम सबसे महान परमेस्वर की औलाद बणि जैल्या। किलैकि उ ऐसान नि मनण वळो अर बुरा लोगु पर भि अपणी किरपा करदु।

अर जन तुमरो पिता परमेस्वर दयालु च, ठिक उन्‍नि तुम भि दयालु बणा।”

तब यीशु न ऊंकू इन भि बोलि, “एक-दुसरा पर इळजाम नि लगा, त तुम पर भि इळजाम नि लगये जालु। अर कैतैं भि दोषी नि ठैरा, त तुमतै भि दोषी नि ठैरैये जालु, एक-दुसरा तैं माफ कैरा त तुमतै भि माफ किये जालु।

अर यीशु न इन भि बोलि, “हे सुनण वळो, मि तुमतै बतै देन्दु, कि तुम अपणा दुसमनों बटि प्यार कैरा, अर जु तुम बटि नफरत करदिन ऊंका दगड़ा मा भलै कैरा। अर जु तुमतै असगार देन्दिन तुम ऊं खुणि परमेस्वर बटि आसीस मांगा। अर जु तुमरा दगड़ा मा अच्छु बरतौ नि करदिन, ऊं खुणि प्रार्थना कैरा।

अर जन तुम चन्द्‍यां कि लोग तुमरा दगड़ा मा अच्छु बरतौ कैरा, तुम भि ऊंका दगड़ा मा उन्‍नि बरतौ कैरा।

“अर कुई तुमरा एक गलोड़ा पर थप्पड मारो, त वेकी तरफा दुसरो गलोड़ा भि कैरी दे। अर कुई तुमरो कोट ले ल्यो, त वेतैं अपणु कुरता भि लेण दे। अगर कुई त्वे बटि मांगु, त वेतैं दे। अर कुई त्वे बटि तेरी चीजों तैं छिनी के लि जौ, त वे बटि वापिस नि मांग।

“अर कै भि अच्छा डाळा पर बेकार फल नि लगदिन, अर ना ही बेकार डाळा पर अच्छा फल लगि सकदिन।

अर हरेक डाळु अपणा फलों बटि ही पछ्याणे जान्दु। अर झाड़ि बटि कुई भि तिमला नि तोड़दिन, अर ना ही कांडों का झिबलांण बटि कुई भि अंगूर तोड़दिन।