Popular Bible Verses from Matyiu 19

শেয়ার

Ndi Jisus a ’mbwakiyi bâ, ka Mâ‐a vâ na bâ, na, Ekae yaa haniye na bato; ndi belombo beěhěpi be ka haniyate n‘ Anyambě.

Ovaně vâkâna ba ’bě pě babale, kabo uhoni umbâkâ. Moto aa palwakidě pě ya Anyambě e di latěngo ta.

A yavwanakindi, ka Mâ‐a vâ na bâ na, O ’běni langango, na, A velaki bâ o jali A velaki bâ momo na mwajo, ka Mâ‐a vâ, na, Yâ tina těkaně ndi ya moto e ka dikě hangwě na nyangwě, na mâ‐a ka kangalanakě na mwad‘ ’aju; na bâ babale ba ka diyaka uhoni umbâkâ?

Ndi Jisus a vâki, na, Dikakani ba nděmbě ba vake o Umb‘ i jadi, o kandakidi bâni; ’kabojana jâ jângâ tědině ndi ja ipangiya ja Hěvěn.

Ndi baitě ba jadi ba bohoboho ba ka diyi pě o mbuhwa; na ba mbuhwa ba ka diyi pě o bohoboho.

Tepě moto uěhěpi a di senjango ndabo, tombe bana ba nyangwě, tombe maluku, tombe hangwě, tombe nyangwě, tombe mwajo, tombe bana, tombe behiki, o nyanga ya dina jamě, a ka pahiyi pě kama, na mâ‐a ka jiga tepě eměnâ ya ’gombe yěhěpi.

Jisus a vâki na ju, na, Kěkě ka hambidě belombo beâvě be di duwango, oningě o vahaka o diya hânjâbiyěngo, na nâvě wa vě mekuge, o ka diyi na hika o Hěvěn: na nâvě wa viya ka vitě ’Mba.

Ka Mâ‐a vâ na ju, na, E lě nd‘ eâvě e tubakě ’Mba na uyamu? o ’be na uyamu kabo ’mbâkâ, mâ ndi Anyambě. Ndi tataka belekanako, oningě o vahaka o ngiya o eměnâ.

Mbi vâki pě n‘ inyěni, na, E bobâbu na kaměl e pudunganaka ibeku ja tombo wa na moto a di kenango a ngakiya o ipangiya j‘ Anyambě.

Ndi Mbi vâki n‘ inyěni, na, Uěhěpi a ka validě mwad‘ ’aju, oningě e diya kabo n‘ inanganudwě, na mâ‐a ’la ka ba upâkwě, a hakand‘ ihonde; na uěhěpi tepě a ka bayě a di valudwěngo ně a hakand‘ ihonde.

Jâ ndi ja Jisus ja vâ na beyokwedi beaju, na, Mbi vâki n‘ inyěni pâkwěpâkwě, na, E ka diyi bokolo na moto a di kenango a ngakiya o ipangiya ja Hěvěn.