Popular Bible Verses from SAN JUAN 6

শেয়ার

Bix e xiꞌ tkbaꞌn Jesús cyexin: —Inayenja jwaabj tzin tkꞌoꞌn chunkꞌlal te junx maj. Alcye kej xjal chi tzaal wuyena, mintiiꞌtl takꞌ weyaj cye, bix jax alcye kej xjal chi ocslal wiꞌja, ya mintiiꞌtl ccyajbeꞌ.

Tuꞌn tcnet cychunkꞌlala, ja nyola cꞌoquel te cyway.

Miꞌn tzꞌoc cyipena nuk tiꞌj cyway nbaj tipen. Jax juꞌx cꞌoquel cyipena tiꞌj tuꞌn tcnet jwaabj tzin tkꞌoꞌn cychunkꞌlala mlay baj. Jatzen waabja cxeꞌl nkꞌoꞌna cyey, inayena, jxjal Smaꞌn tuꞌn Dios tuꞌn ntena cyuya xjal. Tuꞌn wipemala o cyila, ma tzaj tyeecꞌan Kman Dios scyꞌoꞌn kena tuꞌn t-xiꞌ nkꞌoꞌna jwaabj te cychunkꞌlala mlay baj―tz̈i Jesús.

Jtaj Nmana, jaj tuꞌn tten cychunkꞌlal te junx maj jaca juun xjal ma tzꞌel tniyꞌ tiꞌj alcye kena bix ma tzꞌocslan wiꞌja. Kej xjal nbint cyuꞌn juꞌwa, inayena cjawetz itzꞌjsaꞌncye tuj cyamecy tuj mancꞌbil kꞌij―tz̈i Jesús cye kej judío nchi kꞌojl tiꞌjxin.

Bix aj ttzakꞌbeꞌnxin cyexin: —J-akꞌuntl taj Dios tuꞌn tbint cyuꞌna, jaj tuꞌn cyocslana tiꞌj ma tzaj tsmaꞌnxin inayen tzuna―tz̈i Jesús.

Tuj nkꞌaba ma takꞌa Nmana cykil kej xjal at tuꞌn cyclet. Bix mi nuket jun xjal, oj tul wuyena tuꞌn tclet, qꞌuelelet nxooꞌna.

Bix aj ttzakꞌbeꞌn Simón Pedro texin: —Taat, miꞌn cyaj kcyeꞌyena. Min-al juntl tuꞌn kxiꞌya tuya. Nuk jay nxiꞌ tiiꞌna kej yol ntkꞌoꞌn kchunkꞌlala te junx maj.

Bix ja waabj iꞌtz lu e cuꞌtz tuj cyaꞌj bix ntkꞌoꞌn chunkꞌlal cye xjal, inayen tzuna. Alcyej xjal cwaaꞌl tiꞌj jwaabj lu, attzen tchunkꞌlal te junx maj. Bix jwaabj cxeꞌl nkꞌoꞌna tuꞌn tten cychunkꞌlal xjal, jatzen nxumlalja―tz̈i Jesús cye judío.

Jaxte ma tzaj tsmaꞌn Nmana inayena. Yaaꞌn tuꞌnj nchi yolena juꞌwa chi ocslala wiꞌja, sino tuꞌnj oj ttzaj tkꞌoꞌn Nmana jun tajbil tuj cyanema tuꞌn cyocslana wiꞌja. Bix tuj mancꞌbil kꞌij cjawetz witzꞌjsaꞌna tuj cyamecy kej xjal ma chi ocslan wiꞌja.

cuma tej waabj tzin tkꞌoꞌn Dios ntzaj tuj cyaꞌj, bix cꞌajbel tuꞌn tkꞌonte chunkꞌlal te junx maj cye xjal―tz̈i Jesús.

Inayenja jwaabj tzin tkꞌoꞌn chunkꞌlal te junx maj.

Bix e tzaj ttzyuꞌn Jesús ke pan, bix e xiꞌ tkꞌoꞌnxin chjonte te Dios tiꞌj, bix e xiꞌ tkꞌoꞌnxin pan cye t-xnakꞌatzxin, tuꞌntzen t-xiꞌ cypaꞌnxin cyxol xjal otk chi cub ke. Bix juꞌx e xiꞌ tkꞌoꞌnxin ke quis̈. Jax nimcꞌa otk tzꞌeꞌla te cykilca xjal. Tejtzen cybaj noj ke xjal, e xiꞌ tkbaꞌnxin cye t-xnakꞌatzxin: —Cychmonwe ttxꞌakan cywa xjal min xbaj cyuꞌn, tuꞌntzen mintiiꞌ qꞌuelex xeꞌt―tz̈ixin.

Nimxsen oc cyipenxin tiꞌj tuꞌn cyiyꞌxxin tuj tnijabel aꞌ. Otktzen chi iyꞌxxin caꞌba ajlabl tej toc cycyeꞌyenxin ja Jesús. Nbet-xin tibaj aꞌ, bix tzajne e tzaj lkꞌexin tiꞌ cychocxin. Tej cylontexin jaxin, e jawxsen seyꞌpajkexin. Pero e xiꞌ tkbaꞌnxin cyexin: —Inayen weja. Miꞌn tzaj ntz̈iya cyiꞌja―tz̈ixin.