Popular Bible Verses from Saaŋ 6

শেয়ার

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Búwejet Beenabe bu ufu buwun buroŋ bu; húŋgowulan ayinaat káhinu bondu. Kirim k'isokuun ku ufu kuwun Búwejet bu nu buroŋ bu.

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Yesu n'aaniin: —Doon d'Atambatun ámaŋie du deemo fu áriyilen t'an a áboñina u.

Bakan ki Faaf u awunam ku bibin kareyi fe t'íñje, abe it'íkutoor hikee-kee an eebine u t'íñje.

Simoŋ Piyeer n'aano: —Anahaan u, kame iriija yooŋ t'aañ? Awe a̱baje fu kirim ku kuŋku kuwun buroŋ béehabanaariit bu.

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

An ayinaat bibin t'íñje ti Faaf u éeboñinam u áñakinuto, abe íñje karitano t'eket i tu hunak hiraanu hu.

Ábuki humburu hite Atambatun heemo fu an éenuutina u t'etiir, abe n'aŋ'awun ésuk i buroŋ bu.

Íñj'eemo fu humburu huhu huroŋan ésuk i.

Yesu n'ayit kumburu ku, n'aane Atambatun eyeehen, abe n'áhin ko kéerubooree ésuk i keeriikee ku. N'asaaniin yooŋ bisaan bu kayak kafaman. H'aamo hu kateŋa kabir, Yesu n'aane eriboora yeene: —Ariher mifiit meeŋeñene mu, mike itim mibin mútowuto.

Hi kákawuje hu areeŋ síkilomeetar hutok man yooŋ hutok n'efeeneŋ, ni kajuk Yesu ti kañaahu t'etiir móhujo mu, ásooñann nu booniin. Ni kákoleyi. Bare Yesu n'aaniin: —Íñje fu, atum'árikoleyi!