Popular Bible Verses from मट्‌टि 7

শেয়ার

“ङागानॆ आन्‍नॆ टक्‍चाकाम्‍नि, यगाम्‍नॆ आन्‍नॆ भेट्‌टकाम्‍नि हाङ् लम्‍भॆरॆङ्‌मा डुबाम्‍नॆ आन्‍नामि लागि हेम्‍ब।

मान्‍ठाभनॆ ङाग्‍खुबॆ टक्‍चाकु, यक्‍खुबॆ यक्‍टःकु हाङ् लम्‍भॆरॆङ्‌मा डुप्‍खुबामि लागि हेम्‍ब।

“मसॆ आसॆ चाइ कॆ लोमिम्‍पा ग खानावाँ खेम्‍कुहाङ् लोमिम्‍पा आनुसारॆ पाइ, खो एक्‍क निवाँटाङ्‌पा याॽमि रक्‍मान लि। खोसॆ उम् खिम् लुङ्‌कॽवा सक्‍पि हेबुकु।

“होइढा याॽमिचिऎ आन्‍ना माङ् लॆपिॽङामिर मिनुकानि, आन्‍नॆ सङ्‌क खोचि आक्‍रक्‍न लॆटाम्‍चिनॆ, मान्‍ठाभनॆ मोसामि यायेॽमा हाङ् निवाँहाङ्‌मि खानावाँ लोखुबाचिऎ लोमिम्‍पा खानावाँऎ लोमा यकुवॆ चाइ गन।

टर हिङ्‌खामाबि टॆखुबा लम्‍भॆरॆङ्‌मा हाङ् लाम्‍फु चाइ मिःछुॽमा हाङ् डुखा नुङ्‌मा लि। हाङ् आक्‍क लाम्‍फु चाइ मिःक्‍म याॽमिचिऎ टे भॆट्‌टकुचि।

“मिःछुॽमा लम्‍भॆरॆङ्‌माबाङ् हङ्‌सिॽयु भॆनानॆ, मान्‍ठाभनॆ ढ्‌या लम्‍भॆरॆङ्‌मा हाङ् ढ्‌या लाम्‍फुऎ नाराक्‍पि टॆ। आक्‍क ढ्‌या लम्‍भॆरॆङ्‌माबाङ् लाम्‍ढुखुबाचि डिरिक् लिःक्‍मि।

आन्‍ना काइसाहा याॽमि लॆकानि हाङ्‌स टाङ्‌पाम् चाचाचि काम्‍नुहा ठका पिॽमा लेकाम्‍नि हाङ्‌ग आन्‍नामि पारुबिऎ आपाऎ खोनुङ् ङाग्‍खुबाचि ऎॽवा डिरिक् सॆङ्‌सॆङॆ लावा पिॽमा लॆ कामानुङ् लेकु।

“होइढाचि आब्‍डिक् आटिसाम्‍चिनॆ, मरहाङ् आन्‍ना स निवाँहाङ्ऎ आब्‍डिक् टिसानिनि। मान्‍ठाभनॆ मान्‍टहाङ् आन्‍नॆ होइढाचि आब्‍डिक् टिकाम्‍चिनि, मरहाङ्‌न आन्‍ना स आब्‍डिक् नुङ्‌मा लिकानि। आन्‍नॆ मान्‍टहाङ् सिःगुकाम्‍नि, मरहाङ्‌न आन्‍ना स सिःग्‍मा खाइहाङ्‌चाकानि

टर आसॆ चाइ काम् खानावाँ खेम्‍कुहाङ् मरक्‍न लॆःॽनि, म चाइ एक्‍क निवाँ मॆड्‌डिङ्‌मा याॽमि रक्‍मा लि। खोसॆ बालाउटाबि खिम् हेबुकु।

मान्‍ठा आन्‍नॆ याॽमिचिम् मिक्‍पिऎ मिःछुॽमा याॽवा खाङ्‌टकाम्‍नॆ टर टाङ्‌पाम् मिक्‍बिऎ सिङ् चाइ खाङ्‌टकाम्‍निनॆ? टाङ्‌पाम् मिक्‍पिहा सिङ् आखाङ्‌टखुबॆ, ‘मान्‍टॽल होइक याॽमि आनामि मिक्‍पिऎ याॽवा लाबक्‍पिक्‍खाना’ लोकाम्‍नॆ?

“हुन्‍नहा निवाँहाङ्‌मि खानावाँ लोखुबाचिबाङ् नुःर पेनानॆ। खोचि सामुङ्‌र लॆसे आन्‍नाबि टाःक्‍मि, टर हङ्‌सिॽयु चाइ आक्‍खा याॽमिचि ठाॽनाम् हुॽवार किॽमालुहा लिःक्‍मि। आन्‍नॆ खोचि उम्‍चि योम्‍पक्‍बाङ् लेटखॆकाम्‍चिनि। माल् चिचिङ् नुङ्‌मा याॽवासिवाँबाङ् आङ्‌गुर हाङ् सिउडिबाङ् छाराक्‍फु बिगुऎ टा?

गरहाङ् काम्‍नुहा बोटाऎ काम्‍नुहान उम्‍चा सिकु हाङ् काइसाहा बोटाऎ काइसाह न उम्‍चा सिकु।

मरहाङ्‌न काम्‍नुऎ बोटाऎ काइसॆ उम्‍चा सिसुनि हाङ् काइसॆ बोटाऎ काम्‍नुऎ उम्‍चा सिसुनि।

काम्‍नुऎ उम्‍चा आसिखुबा चोब्‍न बोटा डेट्‌ढाङ् हाङ् मिःबि टि।