Popular Bible Verses from Wikhikən 15

শেয়ার

Nil alakwiminaks; kilowaw psketkwonol. Tan wen enkesit nhəkek naka nil na, ntənkess ohəkek, nekəm wəleminkaso: Ipəcəl nil skat eyiwan ktəcelesoltipac.

Nkesoltikw nil nhəkek, nil kilowaw khəkewak. Tahalo psketkwon skatəc kisiminkasiw skat cikəlminok alakwiminasik, kilowaw na skat nkesoltiwehkw nhəkek [skatəc kisi wəlehtakətipa.]

Nkesoltiyekw nhəkek, nkəlosowakənəl nkesowəl khəkewak, wikotəməniyap tan eliwəli təhatəmekw təlokewkeniyac.

Kilowaw skat kəməkənipakopən, kenok kilowaw nil kəməkənəlopapən, elohikalekwpən, welaman ktəliwltiniya, naka kminkasiniya, tan eliminkasiyekw omecimiyənkeso. Wilaman msiw kekwsal owihi wikotəmek Nmihtakws nnowisowənək kəmilkoniyac.

Skat wen akwamk likisikselmowew təhalo wət tan eliponik opəmawsowakən ociyosiwi.

Msiw psketkwonol nhəkek tan skat miniwok, osematon: msiw psketkwənol tan minik, omosikehton, welaman aciminkaso.

Yot ntəlkitəmowakən, kilowaw kəseltotoltiniya; tahalo elikisikselməlekw, nit na kilowaw əlikseltoltikw.

Nit Nmihtakws wecikcitənitəhamkosit kitanakwi minkasiniya; naka kilowaw kotəhkehkimkosipayih nhəkek.

Nil nolamewi alakwiminaksowi, Nmihtakws notkikewin.

Tan wen skat enkesihkw nhəkek, lisemaləkwso tahalo psketkwən, kispahsahsik, mawewotasowəl kcəsiyewotasowəl, pskwəlehtasowəl.

Yohtəl kekwsal kisi yəholekwil welaman nolitəhasowakən iyo khəkewak, naka welaman kolitəhasowakənowal ocipsənehtaso.

Saktəmekw ntəlkitəmowakənəl ktənkesoltipahih nkəseltəmowakənək. Tahalo nil elihimowokpən Nmihtakws otəlkitəmowakənəl, ntənkess okəseltəmowakənək.

Yohtəl kekwsal elkimlekwil welaman kəseltoltipa.

Oskitkəmikw 'ceyawoltiyekw, skitkəmikop okəsiltəmənp tan yot nekəm. Kenokəlo skitkəmikw skat kceyawoltipa, kenok nil kocimkənlopapən skitkəmikw nit tehc skitkəmikw ktakwitəhamkoniya.