Popular Bible Verses from Yohaannis Mishiraachcha 14

শেয়ার

An ki'nnuwwina xumma uwwoommo. Oo uwwoommi xummim i xumma. An uwwoommi xummi ka uulli manni uwwoo xummi'nnoo'aneyyo. Ki'nnuwwik wodan baa'aa baddoone.

Yesuusim Toomaasina «An googo, hanqaa heechchaa. I kollinnette ihubeelas ayyim Iyyanni beyyo waareena xanooyyo.

Odim Yesuus «Ki'nnuwwik wodan baa'oone. Waa'anne amma'nnehe; odim eesennem amma'nnehe.

Ihukkaarem Iyyanni i summinne asse'oo Qoxxisaanchi Keesammi Ayyaan ki'nnuwwina luwwi hundam losisookko. An ki'nnuwwina kuroommi luwwi hundam tiissiisookko.

Eese iittookkok i ijaajo aa'aa egeroohane. Eese iittookkoka Iyyannim iittookko. Anim ixxo iittaa i gaga ixxena la'isoommo» yukko.

An Waa'a uunxoommaare ki'nnuwwinne maqire doolli hundinam hee'oo'isina mulli Qoxxisaancho Waa'i asse'ookko. Oohim ka uulli manni moo'oobee'anee la'oobee'anee ihu bikkina aa'eena xanoobee'i hanqo'i Keesammi Ayyaana. Ihukkaarem oo Keesammi Ayyaan ki'nnuwwi woronne hee'oo bikkina laqqakkamo.

Ayyi luchchom i summinne xa'mmitakkolas Waa'i i kollinne lomba siixxoo'isina an issoommo. Ayyi luchchom i summinne xa'mmitakkolas an issoommo» yukko.

Odim Yesuus «Eese iittitakkolas i ijaajo egettakkamo.

Iyyanni minenne lobakat beyyi yookko. An maraa ki'nnuwwina beyyo gudisoommo. Iyyanni minenne lobakat beyyi bee'an yakkota'n an ki'nnuwwina ‹Beyyo gudiseena maroommo› yam hee'ummonnihe?

An maraa ki'nnuwwina beyyo gudisaa lasage daba'llaa waaraa iinninne maqire hee'llakkamisina ki'nnuwwam i beyyo massoommo.

Toomaasim Yesuusina «Moollanna! At mattoo beyyi handa'e ihukkisa lanqoombee'i bikkina googo hinkid lanqeena xannoommo?» yukko.