Popular Bible Verses from Mark 6

শেয়ার

Neħ naˑgo̱ˑyă̱ˑa̱h'seeh, Gaˑswih', swaˑdyaħ'do̱nˑdaˑgòh; neħˑhuh' hoħˑswee' he'o̱ˑweh' deħˑdye'na̱ˑgeˑnyo̱ħ, swaˑdo̱'iˑshă̱ă̱, yaˑeħ', saħˑnă̱ˑyo̱'nisˑheħt; neħ să̱ħ'ă̱h ne gòtˑgaħ'deħ haˑdiiˑyo̱h, shă̱ˑno̱h'dă̱nˑdyeħs', kuh; neħ ne' deħˑaˑo̱h aˑoˑdi'no̱kˑdoˑdaħs', haˑeħ'gwah naˑă̱ˑno̱n'dekˑho̱ˑniħ.

Neħ dih' ne Jeˑsus haˑgo̱'yă̱ˑa̱h'seeh, neħ noˑdo'gă̱sˑdaˑnih', tă̱ħˑă̱h deħˑneeħ' na'gă̱ˑa̱k iˑgă̱ă̱' deˑoh'să̱nˑniˑyòò; neħ, sho̱, tă̱ħ'ă̱h, he'o̱ˑweh haˑo̱ˑhwa̱ħ' tha'ă̱nˑjaˑdeħ; kuh, he'o̱ˑweh neˑaˑdiˑyaħ'daˑdeħ ne shaˑă̱ˑno̱ˑgweħ'daat'; kuh ne'aˑo̱ˑhwa̱ħ' hoˑno̱h'saˑgo̱o̱.

Neħ ne Jeˑsus noˑnă̱h' daˑa'yaˑgă̱ħt, gòtˑgaħ'deħ no̱ˑgweh' waˑa'go̱ˑgă̱ħ, neħ' ne daˑwa'doˑnya'no̱o̱ħ naˑyaħ'daˑgo̱o̱ he'na̱ˑo̱ˑgo̱nˑdă̱ă̱ħ; neħ gai'o̱ˑnih he neħˑhuh', sho̱, niˑyòħ'dă̱ă̱ ne deˑyoˑdiˑno̱ħ'gă̱ˑo̱nt ne thă̱ħ'ă̱h, iˑgă̱ă̱', deħˑoˑdiˑyă̱ħ' nasˑde'isˑthaħ; oˑnă̱h' hohˑsaaħ ne waˑa'go̱ˑi'o̱ˑnyă̱ħ, oˑi'waˑweˑsòħ'.

Da neħ ne tă̱ħ'ă̱h, ne' neħˑhuh, deˑoˑgweˑnyo̱s'o̱o̱ħ noˑiˑoħˑdʋs'hăˑnă'ăˑgwat na̱'a̱nˑdyeeħ; neħ, sho̱, heˑweˑgă̱ă̱' ne waˑa'go̱ˑyă̱n'nĭsˑoh'daˑă̱ħ dohˑgaaħˑah niˑă̱ˑno̱nˑdii' noˑdiˑno̱o̱k'daˑnih; neħ, kuh, ne' saˑa'go̱nˑjă̱ħt. Neħ ne wa'oˑiˑwa'năăˑgòħ, neħ gai'o̱ˑnih heh, daħˑaaˑdi'waˑgwĕnˑniˑyòs. Da neħ ne deˑoˑdaˑwă̱n'nyesˑo̱h ne dosˑgă̱s'ho̱ħˑo̱h gaˑno̱n'daˑyă̱nˑdo̱ħ', hoˑdi'o̱ˑnya'niˑaˑdyeħs.

Neħˑhuh' niˑyo'oˑweħ' noˑnă̱h' deˑoh'gwă̱h ne wĭs' niˑyò'ăhˑgwaˑgee, kuh ne deˑgă̱nˑjaˑgee', gă̱ˑo̱'yaħˑgĕh heˑot'gatˑhwă̱h, deˑoˑdă̱nˑno̱'nyo̱s'o̱h'; deˑoˑyaħkˑho̱ħ', gwaħˑhuh', heˑniˑyò'ăhˑgwaˑgee; oˑnă̱'neħ heˑa'go̱ˑyaˑwii' naˑgo̱ˑi'o̱ˑnyaˑnih; neħ', naeh, neħˑhuh' ă̱ˑa̱ˑdiˑge'o̱o̱ħ he'aˑdiˑgat; neħ, kuh, ne deˑgă̱n'jaˑgee' waˑa'go̱ˑyaħk'ho̱ˑo̱s', haeħˑgwah, ne'aˑdiˑgweˑgo̱h. Da neħ ne gaˑgweˑgo̱h' waˑă̱ˑno̱nˑdek'ho̱ˑniħ, waˑo'no̱hˑdaħt', gwaħˑhuh. Neħ heˑniˑyo̱o̱' desˑho'dihˑgwă̱h, wʋsˑhă̱ă̱' dekˑnii' sga'eħ niˑgaħ'achˑhii, ne deˑyòˑăhˑgwa'iħˑo̱h; ha'eħˑgwah', kuh, ne gă̱nˑjo̱h.