Popular Bible Verses from Mark 4

শেয়ার

Oˑnă̱h' thotˑgă̱'o̱h; wa'isˑdă̱ħ' ne găăˑhaħ'; neħ, kuh, ne wa̱'ă̱ˑo̱s heˑgaˑnyòˑdaˑeħ', Thaħ'saˑdyeeh; Sgă̱ˑno̱ħ'gă̱ˑa̱a̱k. Da neħ noħˑwă̱'nihˑhă̱ă̱ħ ne găăˑhak'; neħˑhuh' no̱ħˑa̱ˑwă̱h' naaħ'deˑyòˑdoħk' thaħˑwaˑdyeeħ. Haˑgo̱ˑyă̱ˑa̱h'seeh oˑnă̱h', A naeh' heˑgoˑwaa' sòħˑjih' swahˑdyo̱ħ'nii''? A niˑyòħˑdă̱ă̱, heh, thă̱ħ'ă̱h deħˑswaˑyă̱ħ ne gai'waˑgwĕnˑniˑyòs'do̱sˑhăăħ?

Da neħ naaħ'deˑyoˑdoħk'daħˑo̱h, hoˑno̱h'dyo̱ħˑo̱h; do'no̱nˑda'dă̱ˑa̱h'seeh, A' ne gă̱ħ no̱'gweħˑdoħˑdă̱ħ' nă̱ˑgă̱ă̱', heh oˑgweˑnyo̱o̱ ne găăˑhaħ', kuh, heˑgaˑnyòˑdaeħ' hotˑho̱nˑdaas'?

Neħ ne no̱ħˑgă̱ă̱ħ'gwa heˑyòt'ho̱ˑyòħk', naeh, niˑthaħ'no̱nt; gaˑgo̱ħ'săħˑgĕh' hoˑdaħ'o̱h; oˑnă̱h' ho̱ˑwa̱'yeh'do̱h, ho̱ˑwă̱'a̱hˑseeh, Saˑdi'o̱ˑnyaˑnih', neħ, gă̱h, neh' deħˑthaħ'gwĭsˑdă̱ħ' heˑsă̱ˑno̱h'do̱ħ nă̱ˑdwai'wah'do̱ħ?

Neħ naˑgo̱'yă̱ˑa̱h'seeh, Jaˑdah'niˑgo̱'ă̱ˑă̱ħk ne naħˑot'ă̱ˑswa'o̱k'haak; neħ ne yo̱nˑdă̱n'no̱ħˑge'ăhˑdah'gwaħ ă̱ˑswaˑye'ăhˑdahˑgwaak', ă̱ˑyech'hiˑyaˑdă̱ˑno̱ħ'geˑăh'dahˑgwa'niˑaak; neħ, kuh, nă̱ă̱ħ' iis ă̱ˑjech'hiˑyaˑdă̱ˑno̱ħ'geˑăh'dahˑgwă̱ħ; neħ', dih, heˑswaˑyaħ'daˑdeħ' ne' swaˑo̱o̱kˑhaħ, si'gwa, neh'huh, he'nă̱nˑjech'hiˑyo̱ħ.

Oˑnă̱h' haˑgo̱'yă̱ˑa̱h'seeh, Nehˑhuh', ha'eħˑgwah, ne gă̱ħ niˑyòħ'dă̱ă̱ heˑthă̱nˑno̱ħ'do̱ˑo̱ħ'shăˑgwĕnˑniˑyòħ' Na'wĕnˑni'yòħ', heˑno̱'yaˑwă̱h', giħˑshă̱h', no̱'gweh, yo̱ˑă̱nˑjaˑgo̱o̱' haˑoˑno̱h'gwă̱ˑo̱nˑdiħ; Da neħ' neh, a'oˑdaħ'wahˑseek, do̱nˑdaˑat'gă̱ˑo̱h'seek, kuh, ne' wahˑso̱n'daˑdeˑnyo̱ħ', wă̱ˑnĭs'hăˑdeˑnyo̱ħ', gwaħˑhuh', o̱nˑdaˑgah'hwă̱ħˑoˑdă̱ħ', na'eh, oˑnă̱h' noˑno̱h'gwă̱ˑo̱ħ; a'waˑdoˑdyaak', gwaħˑhuh'; tă̱ħ'ă̱h deħˑos'tho̱o̱ deˑoħ'niˑgo̱'ă̱ˑyă̱nˑdaħs, heˑno̱n'daˑgaˑye'ăħˑdʋk.

Neħ, giħˑshă̱h, neh so̱ˑgaaħ' no̱'gweh haˑo̱h'doˑdo̱ħ, oˑgweˑnyo̱o̱', iˑgă̱ă̱', nă̱'otˑho̱nˑdeek'; hotˑho̱nˑdeek' ne' neħ.