Popular Bible Verses from Keriekitho 6

শেয়ার

Sitse Jihovae puo thuo themia chüpie kijü hau gei keshü lepie rünou mo mu puo nouchüta.

Jihovae kijüu gei themiako rüzhüthorketa mu uko kelekemedoko rei suo seiketa ngushü.

Derei Noah-e Jihova mhiki puo khriepfülie.

Hako Noah seyieko. Noah themia kemiatho puo, puo teiki phouu nu pejolie kelhomia puo, siro Noah-e Ukepenuopfü ze tuo.

Süla Jihovae sie, “A thuo chükeshü themia hako kijü zieu geinu pekawatuo, themia, nhachü mu khunuo gou ketuo mu teikhrie gei teirako rei, ae uko chüshü di rünou mote.”

Siro kijüu gei themia kruo selieta, siro süko nuopfüko lhou par tse, Kepenuopfü nuokoe themia nuopfüko zivikecü ngulieta, sidi ukoe süko donu u neikecü kedapie lielieta. Sitse Jihovae sie, “A Ruopfü bu themia ze sei tuolie lhote. Uko sü siatalie kevi chüüphou zo. Uko teisozhako bu cie krie puo di mepfütatuo.” Süteiki, mu süsie rei, kijü nu Nefilimia kro puo tuo. Siro Kepenuopfü nuonuoko themia nuopfüko ki vor tse süko nuo penuopie uko tsüshü. Ukoe thiedzü kekuomia mu terhümiavimia chü vor.

Noah-e Ukepenuopfü puo ki pukeshü tuoi pete chülie.

Süla Ukepenuopfüe Noah ki, “Ae themiako pekawaketuo pepiliete, a uko sa di kijü pekawa zotuo, kekreilamonyü uko zhosuo mhathoko bu kijüu tshute.

N thuo gofer sei se rou puo chülie; süu nu kibouko khathelie, mu no puonu rei mu puomho rei tehoutsa se nyhülie.

Ukepenuopfüe kijüu mehoshü, ru harie, süu suota, kekreilamonyü sünu kelhou pete u thuo u cha nu suoürhu phre tuoketa la.

Siro khunuo lhou ketuo khe puokrü puochü sa ze rouu nu lelie, uko bu n ze di rheilieketuo la.