Popular Bible Verses from Matìyò 7

শেয়ার

I tsəŋə ŋwa yə kə fyiə kə wò làʼà nəniy â Zə̀kiy, ù kì nyìə̀ ŋwò. I tsəŋə khu yə kə fyiə kə wò làʼà nəniy, Zə̀kìy kî zəŋə ŋwò wò kôʼ. I tsəŋə bwoʼo tsə kə ufəb u ndaw wiy Zə̀kìy ki fwiy maʼà tsə â wò.

Wù wə̀ ù tsəb ŋwa yə̂ dzə̂ â Zə̀kìy, ù kì kyilə ŋwò fyiə kə ù làʼà nəniy, wù wə̀ ù tsə̀ŋə̀ khu yə̂ kə ŋwoə̀, Zə̀kìy kî zəŋə ŋwò nə̀ ù kòʼ fyiə kə ù khu nəniy, wù wə̀ ù tsə̀ŋə̀ bwoʼo yə̂ kəə bâʼ kìy, Zə̀kìy kî fwukə tsə ŋwò bâʼ kìy awò we.

Wù wə̀ ù zuw nəniy ayiə yam àdziy yiy, zəŋə yə̀ sòʼò, ù də̀ yəə à də̌ wù ùtwabə̀ wə̀ ù byiə nəniy ndàw we anə kəna ì taw dzwabə̀.

Iyiə yə̀ i də nəniy anə ŋwàʼà kə ulàŋ u Musîs nə̀ ayiə yə aghě ntwùm ə̀ Kə̀zə̀ kə khu twâ na nəniy à də̌ nə̀, “I zəŋə yəə ayiə yə wò liə nəniy nə̀ aghê si zəŋə bəə nə̀ wò.”

Akwuni bû kwali fə dzəd fə, à də̌ dzə̀lə̀ ìtsà. Ì taw ŋwò ani bwìy. À bwìy kə̂ sə fə aghù anə dzə̀d ìghè yə̀.

Ghà kwu ani tsìy anə kwali fə ufə̀b u mbà, aŋwòə ufə̂b wə̀ u zê nəniy anə uvə̀lə̀ u dûw ŋwò. Dzəd yə ì zè nəniy awo ì bva ŋwò. Ndə̀mə̀ àghè tsîy ate.

Bəə aghê àbɛbə yəə à də̀ gha, ghà də ani nyə̀ ùfyiə ùdzoŋə̀ wìy awò awa ghi, mòʼo tsə təli ghi wə ù də nəniy an-a-vələ yəə ù kì də ani nyə̀ ùfyiə ùdzoŋə̀ wìy awò àghù yə̀ ghu ŋwa yə̂ nəniy â we!

Kə̀ saʼ dzə̀ aghê liy, bəə à də wày ghii, Zə̀kìy ki saʼ sòʼò wò. Fòʼò ìsaʼ yə wò saʼa nəniy aghû yìy ate, à də̀ sòʼò ighe Zə̀kìy kî saʼa nəniy wô ate. Dzəd yə wò saʼa aghê liy yiy ate, à də̀ sòʼo dzəd yə Zə̀kìy kî saʼa nəniy wô ate.

“Wù wə̀ ù zuw nəniy ayiə yam à dziy yiy, kwuni zəŋə way ayiə yə mə dzîy nəniy, ù də̀ yəə à də̌ wù ù liʼà wə̀ ù byiə nəniy ndàw we anə lòʼo k-a-sisi.

Wò də̌ mə̀yə ani kòʼ səfə itay fə nyi doʼò nəniy anə isə i àzwə̀ nə̀ wò kwuni kwu kə̂m kə fəkàʼ anə isə yiə̀ ə? Wò də̌ mə̀yə ani dzày nə̀ Kə̀lə̀ â wò a àzə̀ wam, bù mə fɛb maʼà fyi bə̂ səfə itay anə isə yiə̀ nə̀ wò wày ani kòʼ kə̀m kə fəkàʼ kə̀ kə də nəniy anə isə yiə̀ ə?

Ghà ki yemə tsə nə̀ àghě ntwùm ə̀ ìguw yìy. Ghu bê a kə̀lə̀ ghà ghu bvamə zəŋə yəə à də̀ təndzù anə gùw tə iwe. Anə təfòŋ mwàmə mə̀ ghu miy də yəə à də̀ ukəŋ. Ghà kî kyilə ŋwòə ghu anə yiə ghu à zəŋə yiy. Wò wày dzə ani zù kumi lamə a təŋə təfàb, moo ani kumi àŋgəm a təŋə ufàm.

Kâʼ fə̀ dzoŋə̀ fìy muə kə ùtam ùdzoŋə̀ wìy. Akwuni bû kàʼ fə̀ bɛbə fiy, fə muə bə̀ kə ùtam ùbɛbə wiy

Kâʼ fə̀dzoŋə̀ fìy way dzə ani mu utam ùbɛbə wiy, Kâʼ fə̀bɛbə fiy way soʼo ani mu dzə̀ ùtam ùdzoŋə̀ wìy.

Ghu kî fòŋə̀ myìʼà ŋwò kâʼ fə̀ fə də muə way utam ùdzòŋə̀ wìy, ghu piə̀ màʼà.