Popular Bible Verses from Enk 9

শেয়ার

Nejo Enkai: “Ele ninye olmonekie lo sotua lo lning'o laitayu te rishata ai intae, o pooki toki naishu natii tenebo intae o too lporori oosuju. Atipika olokirrai lai atua enkatampoi naa keaku olmonekie lo sotua lai o enkop.

Ore etii olokirrai atua inkatampo, naa kaing'or ninye nadamu osotua lai lo lning'o ntarasi otii erishata Enkai o pooki toki naishu natii oriong enkop.”

Ore oloba anaa oloibukoo osarge lo ltung'ani, naa oltung'ani oibukoo osarge lenye, amu eitayio Enkai oltung'ani te nkitanyaanyukoto enye makewan.

Nemayian Enkai Noa o layiok lenyena, nejoki ninche: “Entoisho entubul entoponari, emputa enkop.

Ore pooki toki naishu nalo keaku endaa te intae anaa enaishoo intae endiati nanyori, aaishoo intae pooki toki.

Keureyuni intae neponari sii oloputukunyi te pooki ng'ues natii enkop, o pooki motonyi oloing'ang'e o pooki toki naiserpepiari te nkop, o pooki sinkirri le naiposha, keaku inkaik inyi etii.

Ore intae, entubul entoponari entaa kumok emputa enkop.”