Popular Bible Verses from Enk 1

শেয়ার

Nejo Enkai; “Emaitobira tung'ani te nkitanyaanyukoto ang onyaanyukie iyiook, nikincho ninche meitoria isinkir le naiposha, o motonyi oloing'ang'e, o nkishu, o enkop pooki o pooki toki naiserpepiari te nkop.” Metaa eitayio Enkai oltung'ani te nkitanyaanyukoto enye makewan. Te nkitanyaanyukoto Enkai eitayio ninye ninche, olee o eng'oruoi.

Nemayian Enkai ninche, nejoki “Entoisho entoponari emputa enkop nintorere. Entoria sii isinkir le naiposha o motony o loing'ang'e, o pooki toki ake ninye naishu naiseuseu te nkop.”

Ore apa te nkiterunoto, neitaa Enkai keper o enkop.

Ore apa enkop nemeeta shoto, nemetii toki naa enaimin natii oriong o enguton, ore Enkiyang'et e Nkai nelo tioriong inkariak.

Nejo Enkai; inchoo metijing'a ewang'an, nejing ewang'an.

Nedol Enkai pooki toki naitobirua ajo aisidai katukul. Neaku teipa neaku tadekenya enkolong e ile.

Nedol Enkai ajo ai sidai ewang'an. Nerishu Enkai ewang'an aitung'uaa enaimin.

Nejo Enkai: “Ng'ura, aaishoo iyie pooki aitubului naiu ilanterera natii oriong enkop, o pooki shani oota ilanterera too ilng'anayio lenyena intaa endaa.

Neipot Enkai ewang'an ajo endama, neipot enaimin ajo enkewarie. Neaku eetae enteipa o entadekenya enkolong e dukuya.

Nejo Enkai: “Inchoo metaa ketii o loing'ang'e erishata oo nkariak, naa inchoo metirisha inkariak o nkariak.”

O pooki ng'ues e nkop, o pooki motonyi o loing'ang'e, o pooki toki naiserpepiari te nkop, o pooki toki naata enkiyang'et e nkishui aaishoo enkaitubului pooki nanyori peyie intaa endaa.” Neaku neija.

Nejo Enkai “inchoo metaa keetae iwang'aritin to loing'ang'e le keper peyie erishu endama te nkewarie, neaku sii ilooitodolu ilmonek too nkatitin oo nkolong'i o larin.

Nejo Enkai: “Inchoo enkop metoiu inkaitubulu, inkaitubulu naaiu ilanterera, o lkeek loo lng'anayio ooiu ilanterera too mpukunot enye te enkop.” Neaku neija.

Neitayu Enkai oloing'ang'e nerish inkariak natii abori oloing'ang'e o nkariak naatii shumata oloing'ang'e, neaku nejia.

Neiu enkop inkaitubulu enyena, o nkaitubulu naaiu ilanterera te risioroto oo mpukunot enye, o lkeek ooiu ilng'anayio too lanterera lenye anaa empukunoto enye. Nedol Enkai ajo ai sidai.

Neitayu Enkai iwang'aritin are sapuki, ore ina wang'an sapuk neitore endama, ore ewang'an kiti neitore enkewarie. Neitayu sii ilakir.

Nejo Enkai: “Inchoo inkariak natii abori e keper eiturrurrokino pooki nebo, naa inchoo enkop natoyio eibalayu.” Neaku neija. Neipot Enkai enkop natoiyio ajo Enkop, ore inkariak naaiturrurro tenebo neipot ajo inaaiposha. Nedol Enkai ajo aisidai.

Nemayian Enkai ninche ejo, “Entoisho niponariri aaiput inkariak oo naaiposha, naa nchoo sii imotonyi o loing'ang'e metubula te enkop.”

Nejo Enkai, “Inchoo enkop meyau ing'uesi naaishu te risioroto oo mpukunot enye; inkishu o ng'uesi naaiserpepiari te nkop o ng'uesi e nkop te risioroto oo mpukunot enye.” Neaku neija.

Nejo Enkai, “Inchoo metijing'a nkariak ntokitin naaishu, inchoo sii imotonyi meshomo to loing'ang'e le keper aaingat enkop.”

Neitayu Enkai ing'uesi e nkop te risioroto oo mpukunot enye o nkishu te risioroto oo mpukunot enye, o pooki toki naiserpepiari te nkop te risioroto empukunoto enye. Nedol Enkai ajo aisidai.