Popular Bible Verses from युहन्‍ना 15

শেয়ার

“अङ्‍गुरौ म्‍यार्‌टुङ ङा न हो, नाखुरीक चहीँ हाँगाको हो। ङाखाटा सु-सु ङुले, ङा र होखुरीकखाटा ङुले, अनी होचे वास्‍टै मीस्‍या स्‍याटाक्‍ले। हीजैडेनाङ ङा बीना नाखुरीकै हीर जाट्‍की माय्‍होक्‍ले।

ङाखाटा ङुनी, र ङा नाखुरीकखाटा ङुले। कुटजाट्‍न हाँगाकै म्‍यार्‌टुङ खाटा माङुवा डेनाङ होखुरीक लहे न मीस्‍या स्‍याटाक्‍की माय्‍होक्‍ले, होटजाट्‍न न ङाखाटा माङुवा डेनाङ नाखुरीकै र मीस्‍या स्‍याटाक्‍की माय्‍होक्‍ले।

टर इडीक नाखुरीक ङाखाटा ङुवा र ङौ बचन नाखुरीक खाटा ङुवा डेनाङ टब नाखुरीकै ही मीमन जाट्‍ले होसे ङेन्‍ही अनी नाखुरीकुङ लागी होसे जाट्‍न याल्‍हे।

नाखुरीकै ङाकी मारोजडीया, टर ङै नाखुरीककी रोजडीया। नाखुरीक नुङार सढैँ भरी ङुच मीस्‍या स्‍याटाक्‍नी डेयार ङै नाखुरीककी खटडीमने, नुङ्‍नी र मीस्‍या स्‍याटाक्‍नी। बोइखाटा ङौ म्‍यार्‌मीनाङ ही ङेल्‍हे, होसकै नाखुरीककी होसे याल्‍हे।

लाफौ लागी लहो प्राण याखी न पट्‍ट डेनाङ बाड्‍को माया हो, अनी इसे डेनाङ बाड्‍को अरु हीर माले।

ङाखाटा लेच मीस्‍या मास्‍याटाक्‍च हाँगाकोलाक होसकै चेयार लोम्‍ह काले, टर मीस्‍या स्‍याटाक्‍च हाँगाकोलाक चहीँ झन वास्‍टै मीस्‍या स्‍याटाक्‍ख्‍यो डेयार होसकै छाट्‍डीम याल्‍हे।

“ङै याछ आज्ञा इसे न हो, कुटजाट्‍न ङै नाखुरीककी माया जाटा, होटजाट्‍न न नाखुरीकै र काटै काट्की माया जाट्‍नी।

नाखुरीकै वास्‍टै मीस्‍या स्‍याटाकार ङौ चेला हो डेम टान्‍हाक्‍की य्‍होका डेनाङ होला न ङौ बोयो महीमा छान्‍ले।

“साँचो अङ्‍गुरौ म्‍यार्‌टुङ ङा न हो, र ङौ बोइ चहीँ कीसान हो।

अनी होखुरीक ङाखाटा माङुवा डेनाङ होसे चेयार ल्‍होछ हाँगाको लेखा न छान्‍ने। होसे हाँगाको छोक्‍ले र बटुलीयार म्‍हेयाङ काम याल्‍हे।

ङै इसे कुरा नाखुरीककी इसे कीसीमै डेच हो, ङौ आनन्‍द नाखुरीकखाटा ङुख्‍यौ, र नाखुरीकुङ आनन्‍द पुरा छान्‍ख्‍यो।

ङा ङौ बोयो आज्ञाको मन्‍डीयार बोयो मायाङ ङुले। होटजाट्‍न न इडीक नाखुरीकै ङौ आज्ञाको मन्‍डीया डेनाङ नाखुरीक र ङौ मायाङ ङुले।

ङा नाखुरीककी इसे आज्ञा याल्‍हे, नाखुरीकै काटै काट्‌की माया जाट्‍नी।

इडीक नाखुरीक इसे संसारुङ भर्मी हो डेनाङ च होखुरीकै नाखुरीककी लहो मन्‍डीयार जाक्‍च लेया। टर नाखुरीक इसे संसारुङ होइन। नाखुरीककी ङै संसारलकीङ भाक्‍च हो, होटबाटै संसारै नाखुरीककी घृणा जाट्‍ले।