Popular Bible Verses from लूका 22

শেয়ার

“ओए रै पिता, जै तू चांए तौ ऐसी दुख कै छानै कै मैरै धोरे दा हौटाए दै, तोबै बै मैरी नी पौरौ तैरै मोरजी पूरी हौंव।”

पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

तोबै तैणै रोटी कौरी, औरौ पौरमेशवर का धन्यवाद कौरेयौ तुड़ी, औरौ तिनुखै एजो बौलेयौ दी, “ऐजा मैरा शोरीर औसौ, जू तुऔं कारिए दैय जांव: मैरै याद कारिए ऐशैखैई कौरेया।”

ऐशैखैई तैणै खाणौ कै बाद अंगूर कै रसो का भौरेयौंदा छाना ऐजौ बौलेयौ दियु, “ऐजा अंगूर कै रसो का छाना मैरै तैसी लोऊ कै जैशणा औसौ जू तुऔं कारिए बोवाए जांव, जू नोऐं कौरार औसौ।

सै जादा बैचैन हौयौ हौजौ बै जादा प्रार्थना कौरदा लागा; औरौ तैसका पसीना मानौ लोऊ की बौड़ै-बौड़ै टिपू साए धोरती पांदी छुटदा लागै रौवा थिया।

पौरौ तुऔं मुंजी ऐशै नै हौणौ चैंई, औरौ जू तुऔं मुंजी बौड़ा औसौ, सै नानड़ै कै जैशणा औसौ औरौ जू प्रधान औसौ, सै सेवक कै जैशणा बौणौ।

तैणै बौल़ौ, “ओए रै पतरस हांव ताखै बुलू, कै ऐलो कुकड़ै कै, बांक दैणौ दै औगौड़ियौ तू तीन बैई भाजै जाला, कै तू मुखै ना जाणै।”