Popular Bible Verses from यूहन्ना 2

শেয়ার

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यीशुए तियौंखै बौल़ौ, “ओए रै माँ तुऐं मुखै काए बौताए लो? मसीह कै रुप दा पोछैयाणै जाणौ का मैरा सौमय इबी ना आए रैई।”

यीशुए तिनुखै बौल़ौ, “माटो दो पाणी भोरै दैव।” तोबै तिनुऐ माटो कै मुंआमुं भोरै दिए। तोबै यीशुए सेवको कै बौल़ौ, “ऐबै पाणी गाड़ेयो टोलुआ कै मुखिया कै धोरे लोए जाव।” औरौ सेवके तैशैकैई कौरौ जैशैखै तैणै बौल़ै राए थियु।

यीशुए तिनुकै जोवाब दिया, “ऐसी मन्दिरो खै ढाल़ै दैंव, औरौ हांव ऐसीखै ती दूसौ दा दुजाल़ियो बाणै दोऊंबा।”

तोबै तैणै पागोई का कोड़ा बाणैयो, सौबी भेड़ो औरौ बौल़ोद खै मन्दिरो पौरैशै निकाल़ै दियै, औरौ तैणै पौयसै बौदल़णौ वाल़ै लोगौ कै पौयसै, बिखराए दिए औरौ मैज़ पोल़टी दी, औरौ कबूतर बिकणौवाल़ै खै बौल़ौ, “इनु इथदै लोए जाव मैरै पिता पौरमेशवर कै घोरो खै व्यापार का घोर नी बाणौ।”