Popular Bible Verses from मत्ती 4

শেয়ার

तब यीशु ले जबाब दीछ, “पवित्र-शास्त्र में की लिखीना को छै, ‘आदिमी केवल रोटान ले नै, लेकिन हरेक उ बचन स जो परमेश्वर कुंछो, उ ज्यून रौलो।’”

तब यीशु ले उथैं क्योछ, “हे शैतान मैं है दूर हो जा, क्याखिनकि पवित्र-शास्त्र में लिखीना को छै ‘तैं केवल अपून प्रभु परमेश्वर स झुकभेरन आदर कर, और केवल उकी भक्ति कर।’”

यीशु ले शैतन थैं क्योछ, “यो ले पवित्र-शास्त्र में लिखीना को छै, ‘तैं प्रभु अपून परमेश्वर की परीक्षा जन करे।’”

येका बाद पवित्र आत्मा, यीशु स बिरान जागा में येक कारण लिग्योछ, ताकि शैतान का द्वारा ऊस परखी जौ। यीशु ले चालीस दिन और चालीस रात के नै खायो, तब ऊस भुख लागछ्य।

यीशु ले उनून बुलाभेरन क्योछ, “तुम म्यार दगाड़ आ, जस तुम माछान पकड़ छा; उसीकैं मैं तुमून लोगून अपूनो शिष्य बनूनो सिखूलो।” तब उनूले तुरन्त अपूनो माछा पकड़ना को काम बन्द कर दीछ, और उक शिष्य बन ग्या।

उ बखत भटे यीशु ले प्रचार करून और यो कुन शुरू करछ्य, “अपून पापून खिन पश्चताप करा, क्याखिनकि परमेश्वरो को राज्य नजिक आग्योछ।”