Popular Bible Verses from လူႉၵႃႇ 9

শেয়ার

လိူဝ်​သေ​ၼၼ်ႉ မၼ်း​ၸဝ်ႈ​လၢတ်ႈ​တီႈ​ၵူၼ်း​တင်း​သဵင်ႈ​တင်း​လူင်​လႄႈ​ဝႃႈ​ၸမ်ႉ၊ ပေႃး​သေ​ၵေႃႉ​သေ​ၵူၼ်း​မီး​ဢလူဝ်ႇ​ၶႂ်ႈ​ၸပ်း​မႃး​ပႃႈ​လင်​ၵဝ်​ၸိုင်၊ ႁႂ်ႈ​မၼ်း​ပႄႇ​ပႅတ်ႈ​တူဝ်​ၸဝ်ႈ​ၵဝ်ႇ​သေ​လႄႈ ႁၢပ်ႇ​ဢဝ်​သဝ်​လၵ်း​ဝႃး​ၵၢပ်ႈ တူဝ်​ၸဝ်ႈ​ၵဝ်ႇ ၵူႈ​မိုဝ်ႉ​ၵူႈ​ဝၼ်း​လႄႈ​ၸွမ်း​ပႃႈ​လင်​ၵဝ်​တႃႉ။

လွင်ႈ​မၼ်း​ၸမ်ႉ​ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မီး​ဢလူဝ်ႇ​ၶႂ်ႈ​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ​တၵ်း​သုမ်း​ဢသၢၵ်ႈ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သုမ်း​ဢသၢၵ်ႈ​ၵွပ်ႈ​ပိူဝ်ႈ​ၵဝ်​ၼၼ်ႉ၊ ၵေႃႉ​ၼၼ်ႉ​တၵ်း​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။

ယေႇသူႉ ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ယိပ်း​ၵၼ်း​ထိူၼ်ႇ​ယူႇ​လႄႈ ဝၢႆႇ​တူၺ်း​တၢင်း​လင်​ၼၼ်ႉ​ၸမ်ႉ၊ ၵေႃႉ​ၼၼ်ႉ​ဢမ်ႇ​ထိူၵ်ႈ​ဢမ်ႇ​တၢၼ်ႇ​ၵၼ်​တင်း​မိူင်း​ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။

ၵေႃႉ​ဢၼ်​လႆႈ​ဢုပ်ႉ​ပိူင်ႇ​လေႃးၵႃႉ​ၼႆႉ​တင်း​သဵင်ႈ​တင်း​လူင်​လႄႈ တူဝ်​ၸဝ်ႈ​ၵဝ်ႇ​သုမ်း​ၼၼ်ႉ​တၵ်း​မီး​ၵျေး​ၸူး​ၵႃႈ​သင်။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢူၵ်း​ဢၢႆ​ၵွပ်ႈ​ပိူဝ်ႈ​ၵဝ် ဢိၵ်ႇ​တင်း​ၵွပ်ႈ​ပိူဝ်ႈ​ၵႂၢမ်း​ၵဝ်​ၼၼ်ႉ၊ ၵေႃႉ​ၼၼ်ႉ​ၸိုင်၊ လုၵ်ႈ​ၵူၼ်း​တၵ်း​ဢူၵ်း​ဢၢႆ မိူဝ်ႈ​ဢၼ်​ပႃး​တင်း​မုၼ်​ၽုင်း​တူဝ်​ၸဝ်ႈ​ၵဝ်ႇ၊ မုၼ်​ၽုင်း​ပေႃႈ​တူဝ်​ၸဝ်ႈ​ၵဝ်ႇ ဢိၵ်ႇ​တင်း​မုၼ်​ၽုင်း​တမၢၼ်ႇ​ၵၢင်​ႁၢဝ်​ဢၼ်​မူတ်း​ၸၢင်ႇ​တင်း​လၢႆ​ၸိူဝ်း​ၼၼ်ႉ​မႃး​ၼၼ်ႉ​ဢေႃႈ။

ယေႇသူႉ ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ မႃ​လိၼ်​တင်း​လၢႆ​ယင်း​မီး​ႁူး​လိၼ်​ဢေႃႈ။ ၼူၵ်ႉ​ဢၼ်​မိၼ်​ၵႃႈ​ၼိူဝ်​ၵၢင်​ႁၢဝ်​တင်း​လၢႆ​ယင်း​မီး​ႁင်း​ဢေႃႈ။ လုၵ်ႈ​ၵူၼ်း​ၸမ်ႉ၊ တီႈ​ဢၼ်​တၵ်း​ဝၢင်း​ႁူဝ်​ၵေႃႈ၊​ဢမ်ႇ​မီး၊ ဝႃႈ​ၼင်ႇ​ၼႆ​ဢေႃႈ။

လၢတ်ႈ​တီႈ​ၶဝ်​လႄႈ​ဝႃႈ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ ႁပ်ႉ​တုင်း​ဢဝ်​လုၵ်ႈ​ဢွၼ်ႇ​ၼႆႉ​ၼၼ်ႉ၊ ၵေႃႉ​ၼၼ်ႉ​ႁပ်ႉ​တုင်း​ဢဝ်​ၵဝ်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁပ်ႉ​တုင်း​ဢဝ်​ၵဝ်​ၼၼ်ႉ​ၵေႃႈ၊ ၵေႃႉ​ၼၼ်ႉ​ႁပ်ႉ​တုင်း​ဢဝ် ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵေႃႉ​ဢၼ်​လဵၵ်ႉ​သေ​ပိူၼ်ႈ​ၵႃႈ​ၼႂ်း​သူ​ၼႆႉ​ၼၼ်ႉ ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​သေ​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။