Popular Bible Verses from လူႉၵႃႇ 5

শেয়ার

မိူဝ်ႈ​ဢၼ်​ၵႂၢမ်း​မၼ်း​ၸဝ်ႈ​ထၢတ်ႇ​ၸိုင် မၼ်း​ၸဝ်ႈ​လၢတ်ႈ​တီႈ​ သီႉမုၼ်ႇ ​လႄႈ​ဝႃႈ၊ ၶၢႆႉ​ၵႂႃႇ​ၵႃႈ​တီႈ​ဢၼ်​ၼမ်ႉ​လိုၵ်ႉ​ပုၼ်ႉ​လူး​ၵွၼ်ႇ​တႃႉ။ ဝၢၼ်ႇ​ၶႄ​သူ​တူၵ်း​ႁႂ်ႈ​လႆႈ​ပႃ​တႃႉ၊ မိူဝ်ႈ​ဢၼ်​မၼ်း​ၸဝ်ႈ​ဝႃႈ​ၼင်ႇ​ၼႆ​ၸိုင်၊

သီႉမုၼ်ႇ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပိၵ်ႉ​သမ်ႉ​ႁဝ်း​ၶႃႈ​လႆႈ​ၵျူဝ်း​ၸႃး​ယဝ်ႉ​တင်း​ၶိုၼ်း​သေ​ၵေႃႈ ဢမ်ႇ​လႆႈ​သေ​တူဝ်​ၶႃႈ။ ၼႂ်း​ဝႃႈ​ၼၼ်​သေ​ၵေႃႈ၊ပေႃး​ၸဝ်ႈ​ႁဝ်း​မီး​ဢမိင်ႉ​ၸိုင် တၵ်း​ဝၢၼ်ႇ​ၶႄ​တူၵ်း​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။- ၶဝ်​ၼၼ်ႉ​ဝၢၼ်ႇ​တူၵ်း​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ႁူမ်ႇ​မႅၼ်ႈ​ပႃ​ၼမ်​ၼႃႇ​လႄႈ၊ ၶႄ​ၶဝ်​ၸႃႉ​သိၵ်ႇ​ၸႃႉ​လူႉ​မႃး​ဢေႃႈ။

မၼ်း​ၸဝ်ႈ​ယၢမ်ႈ​ၵႂႃႇ​ၵႃႈ​ၼႂ်း​ထိူၼ်ႇ​ၼႂ်း​ၶိူဝ်း​သေ​လႄႈ သူး​တွင်း​ဢေႃႈ။

ပုၼ်ႈ​လွင်ႈ​ၼင်ႇ​ႁိုဝ်​တၵ်း​ၶုၵ်း​ၸႂ်​လႆႈ​မႆႈ​ၸႂ်​ၸိုင်၊ ၵဝ်​မႃး​ႁႂ်ႈ​လႆႈ​ႁွင်ႉ​ဢဝ်​ၵူၼ်း​သိုဝ်ႈ​တေႃႇ​တင်း​လၢႆ​ဢမ်ႇ​ၸႂ်ႈ၊ ၵဝ်​မႃး​ႁႂ်ႈ​လႆႈ​ႁွင်ႉ​ဢဝ်​ၵူၼ်း​ႁၢႆႉ​တင်း​လၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

သီႉမုၼ်ႇ​ပေႇတရူႉ ​ႁၼ်​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ၶုပ်ႉ​မူပ်ႇ​ၵႃႈ​တီႈ​ႁူဝ်​ၶဝ်ႇ​ ယေႇသူႉ ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ပိူဝ်ႈ​ဢၼ်​ၵဝ်​ၶႃႈ​ပဵၼ်​ၵေႃႉ​ဢၼ်​ဢပႅတ်ႈ​ၼမ်​ၼႃႇ​လႄႈ ၸဝ်ႈ​ႁဝ်း​ဢွၵ်ႇ​ၵႂႃႇ​သေ​ၵႃႈ​တီႈ​ၵဝ်​ၶႃႈ​ၼႆႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​ၶိုၼ်း​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ၶဝ်​ၸိူဝ်း​ဢၼ်​ယူႇ​လီ​ၼၼ်ႉ ဢမ်ႇ​လူဝ်ႇ​မေႃ​ယႃ။ ၶဝ်​ၸိူဝ်း​ဢၼ်​မီး​တၢင်း​ၶႆႈ​တၢင်း​ပဵၼ်​ၼၼ်ႉ​ၵူၺ်း လူဝ်ႇ​မေႃ​ယႃ​ဢေႃႈ။

မိူဝ်ႈ​ဢၼ်​သိူၵ်ႈ​ႁိူဝ်း​ၵႃႈ​တီႈ​ၽင်ႇ​ၼမ်ႉ​ၼၼ်ႉ​ယဝ်ႉ​ၸိုင်၊ ၶဝ်​ၼၼ်ႉ​ၸုၼ်ႉ​ပႅတ်ႈ​သေ​ၵႃႈ​ဢၼ်​မီး​တင်း​သဵင်ႈ​တင်း​လူင်​ၼၼ်ႉ​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။

ၼႂ်း​မိူဝ်ႈ​ဢၼ်​မၼ်း​ၸဝ်ႈ​မီး​ယူႇ​ၵႃႈ​ၼႂ်း​ဝဵင်း​ဝဵင်း​ၼိုင်ႈ​ၼၼ်ႉ​ၸိုင်၊ ၵူၼ်း​ဢၼ်​ပဵၼ်​တုတ်ႈ​တင်း​တူဝ်​တင်း​ၶိင်း​ၵေႃႉ​ၼိုင်ႈ​ထူပ်း​ႁၼ်​မၼ်း​ၸဝ်ႈ​သေ​ယဝ်ႉ၊ ၶုပ်ႉ​မူပ်ႇ​လႄႈ​တွင်း​ပၢၼ်ႇ​လႄႈ​ဝႃႈ၊ ၸဝ်ႈ​ႁဝ်း၊ ပေႃး​ၸဝ်ႈ​ႁဝ်း​မီး​ဢလူဝ်ႇ​ၸိုင်၊ ႁႂ်ႈ​ၵဝ်​ၶႃႈ​မူတ်း​သႂ်​လႆႈ​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။- မၼ်း​ၸဝ်ႈ​ၵေႃႈ​ယိုၼ်ႈ​မိုဝ်း​မၼ်း​ၸဝ်ႈ​တိူဝ်ႉ​ၵေႃႉ​ၼၼ်ႉ​သေ​လႄႈ​လၢတ်ႈ​လႄႈ​ဝႃႈ၊ ၵဝ်​မီး​ဢလူဝ်ႇ​ယူႇ​ဢေႃႈ။ ႁႂ်ႈ​မူတ်း​သႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ တုတ်ႈ​မၼ်း​ၼၼ်ႉ​ႁၢႆ​ၵမ်း​လဵဝ်​ဢေႃႈ။

ၼႂ်း​ဝႃႈ​ၼၼ်​သေ​ၵေႃႈ သတၢင်း​သဵင်​ၶၢဝ်ႇ​မၼ်း​ၸဝ်ႈ​ၼၼ်ႉ​ယဵင်ႈ​ၶႅၼ်း​ၸွတ်ႇ​သႃႈ​ႁူင်​ႁၢင်း​လႄႈ ၵူၼ်း​ၼမ်​ၼႃႇ​တင်း​သဵင်ႈ​တင်း​လူင် ဢွၼ်​ၵၼ်​မႃး​ၸူႉ​ၵၼ်​တုမ်​ၵၼ်​ၵႃႈ​တီႈ​မၼ်း​ၸဝ်ႈ ႁႂ်ႈ​လႆႈ​ထွမ်ႇ​လႆႈ​ငိၼ်း​တြႃး​ဢိၵ်ႇ​တင်း ႁႂ်ႈ​လႆႈ​ၶၢမ်ႇ​တၢင်း​ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​ဢေႃႈ။