Popular Bible Verses from ယူဝ်းႁၢၼ်ႇ 11

শেয়ার

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ပဵၼ်​လွင်ႈ​တၢင်း​ဢၼ်​လုၵ်ႉ​ၶိုၼ်း​ဢိၵ်ႇ​တင်း လွင်ႈ​တၢင်း​ဢၼ်​ဢသၢၵ်ႈ​လိပ်း​ဢေႃႈ။ ၵေႃႉ​ဢၼ်​ယုမ်ႇ​မၢတ်ႈ​ၵဝ်​ၼၼ်ႉ ပိၵ်ႉ​သမ်ႉ​တၢႆ​ၵႂႃႇ​ယဝ်ႉ​သေ​ၵေႃႈ၊ တၵ်း​လိပ်း​ဢေႃႈ။- ၶဝ်​ၸိူဝ်း​ဢၼ်​ဢသၢၵ်ႈ​လိပ်း​လႄႈ ယုမ်ႇ​မၢတ်ႈ​ၵဝ်​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၵေႃႈ တၵ်း​ၵၢင်း​လွတ်ႈ​တင်း​တၢင်း​တၢႆ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။ ယုမ်ႇ​ၵႂၢမ်း​ၵဝ်​ၼႆႉ​ႁိုဝ်​ဝႃႈ​ၼႆ၊ မိူဝ်ႈ​ဢၼ်​မၼ်း​ၸဝ်ႈ​ထၢမ်​ၼၼ်ႉ​ၸိုင်၊ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸႂ်ႈ​ၶႃႈ​ယဝ်ႉ​ၸဝ်ႈ။

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​လၢတ်ႈ​ဝႆႉ​လႄႈ​ဝႃႈ၊ ပေႃး​မႂ်း​ယုမ်ႇ​ၸိုင်၊ မႂ်း​တၵ်း​လႆႈ​ႁၼ်​မုၼ်​ၽုင်း​ဢႃႇၼူႉၽေႃႇ​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ဢမ်ႇ​ၸႂ်ႈ​ႁိုဝ်၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​ၼမ်ႉ​တႃ​တူၵ်း​ယူႇ​ဢေႃႈ။

ယေႇသူႉ ​ငိၼ်း​ၵႂၢမ်း​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ တၢင်း​ၶႆႈ​တၢင်း​ပဵၼ်​ၼၼ်ႉ ဢမ်ႇ​ၸႂ်ႈ​တၢင်း​ၶႆႈ​တၢင်း​ပဵၼ်​ဢၼ်​တၢႆ။ ပဵၼ်​တၢင်း​ၶႆႈ​တၢင်း​ပဵၼ်​ဢၼ်​ႁႂ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​ထၢင်ႇ​သႃး​မႃး​ၼၼ်ႉ​ၵူၺ်း​ဢေႃႈ။ ၵွပ်ႈ​ပိူဝ်ႈ​တၢင်း​ၶႆႈ​တၢင်း​ပဵၼ်​ၼၼ်ႉ​လႄႈ လုၵ်ႈ​ၽြႃး​ပဵၼ်​ၸဝ်ႈ​တၵ်း​မီး​တၢင်း​ဢၼ်​မုၼ်​ၽုင်း​ၸဝ်ႈ​ထၢင်ႇ​သႃး​မႃး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၸင်ႇ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​လႄႈ​ဝႃႈ၊ လႃႇၸရူႉ ​ဢိူၺ်း၊ ဢွၵ်ႇ​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။- မိူဝ်ႈ​ၼၼ်ႉ ၵေႃႉ​ဢၼ်​တၢႆ​ယဝ်ႉ​ၼၼ်ႉ၊ ၵႃႈ​တီႈ​တိၼ်​တင်း​မိုဝ်း​မၼ်း​မီး​တင်း​ၽႃႈ​ဝဵၼ်း​ႁေႃႇ​ဝႆႉ​ယူႇ၊ ၵႃႈ​တီႈ​ၼႃႈ​မၼ်း​ၵေႃႈ မီး​တင်း​ၽႃႈ​ၸဵတ်ႉ​မတ်ႉ​ဝႆႉ​ယူႇ​သေ​လႄႈ ဢွၵ်ႇ​မႃး​ဢေႃႈ။ ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵႄႈ​မၼ်း​သေ​လႄႈ​ပွႆႇ​တႃႉ၊ ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ​ ယေႇသူႉ သမ်ႉ​ၸႂ်​လဵၵ်ႉ​ၸႂ်​ဢူၼ်ႈ​ၼႃႇ​လူင်​လၢင်​လႄႈ ႁွတ်ႈ​ထိုင်​ၵႃႈ​တီႈ​ၶုမ်​သၢင်း​ၶႅင်း​ဢေႃႈ။ ၶုမ်​သၢင်း​ၶႅင်း​ၼၼ်ႉ​ပဵၼ်​ႁူး​ထမ်ႈ​လႄႈ ဢဝ်​မၢၵ်ႇ​ႁိၼ်​ဢိုတ်း​ဝႆႉ​ဢေႃႈ။

သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၵေႃႉ​သေႈ​ႁဝ်း​ လႃႇၸရူႉ ​ၼၼ်ႉ ၼွၼ်း​လပ်း​ယူႇ​ဢေႃႈ။ ၵဝ်​တၵ်း​ၵႂႃႇ​ႁႂ်ႈ​လႆႈ​ပူၵ်း​မၼ်း​တိုၼ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။