ထႃႇဝရႃႉၽြႃးၵေႃႈ ၶၢမ်ႇဢဝ်ဢၢႆဢၼ်ႁွမ်ဢၼ်ႁူၺ်းသေလႄႈ လၢတ်ႈၼႂ်းၸႂ်လႄႈဝႃႈ၊ ၵမ်းလိုၼ်းၵဝ်တၵ်းဢမ်ႇၵိၼ်ႇဢမ်ႇဝႃႈလိၼ်မိူင်းၵွပ်ႈပိူဝ်ႈၵူၼ်း။ လွင်ႈမၼ်းၸမ်ႉ ၵူၼ်းတင်းလၢႆၸိုင်၊ တၢင်းၵျၢမ်ႇတၢင်းပွင်ႁူဝ်ၸႂ်ႁၢႆႉမိူၵ်ႈ ၸႃႉၸဵမ်မိူဝ်ႈဢၼ်ယင်းလဵၵ်ႉၼၼ်ႉဢေႃႈ။ ၸိူဝ်ႉၼင်ႇဢၼ်ၵဝ်ႁဵတ်းမႃးယဝ်ႉပွၵ်ႈၼိုင်ႈၼၼ်ႉ၊ ၵဝ်တၵ်းဢမ်ႇပၼ်တၢမ်ႇတီႈၶဝ်ၸိူဝ်းဢၼ်ဢသၢၵ်ႈလိပ်းယူႇတင်းသဵင်ႈတင်းလူင်ၼၼ်ႉ။- ၸူဝ်ႈဢၼ်လိၼ်မိူင်းယင်းမီးယူႇၼႆႉ၊ ၶိင်ႇဢၼ်တၵ်းလႆႈဝၢၼ်ႇၸိူဝ်ႉဝၢၼ်ႇၽၼ်း၊ ၶိင်ႇဢၼ်တၵ်းလႆႈသိမ်းမၢၵ်ႇသိမ်းႁူင်း၊ ၶိင်ႇၵတ်းၶိင်ႇမႆႈ၊ ၶိင်ႇႁိုဝ်ႉၶိင်ႇႁႅင်ႈ၊ ၵႃဝၼ်းၵႃၶိုၼ်း၊ ဢမ်ႇလႆႈထၢတ်ႇ၊ ဝႃႈၼင်ႇၼႆဢေႃႈ။