Popular Bible Verses from Wongeela Maatewos 6

শেয়ার

Isin garuu, durssa'aatii Mootummaa Waaqaatii fi qulqullaayoma isaa'llee barbaadaa, wonitti hafe marrinuu isiniif ni dabalama.

Boru mataa isaatii ni sarddama, boruuf hin sarddaminaa, guyya'aan hammeenni isaatuu ni gayaan.»

«Kanaaf akkana isiniin jedha, ‹maal nyaanna? maal dhuginna? maal'llee uffannaa?› jechu'uun, waayee jireenna keessaniitiif hin sarddaminaa, nyaata irra jireenni, uffata irra'llee qaaminni hin caaluu ree?

Ati garuu yeroo kadhattutti gara kutaa keetii aseen, balbala kee cufadhuutii gara ka dhossa'aan jiruu, gara Abbaa kee ka hin muldhanne kadhadhu, waan dhossa'aan hojjatame ka argu Abbaan kee'llee, gatii hujii kee misha'aa siif ni kafala.

Kanaaf isin akkana jedha'aatii kadhadhaa, ‹samii ka jiraattu yaa Abbaa keenna, maqaan kee haa galateeffamu, Mootummaan kee haa dhufittu, fedhiin kee akkuma sami'itti ta'e, akkuma kana ardi'itti'llee haa ta'u.

Nyaata keenna ka guyya'aa, adha nuuf kenni.

Akkuma nu'llee worra nu miidhaniif dhiifama taasfnnu, balleessaa keenna nuuf dhiisi

Hamaa jalaa nu baasi malee, gara qormaataa titti nu hin galchin, [Mootummaan, huminnaa fi ulfinni'llee, bara baraan keeti, Ameen.› »]

«Balleessaa namootaatiif dhiifama yoo taasfttan, isaaniif'llee Abbaan keessan ka sami'ii, dhiifama ni taasisa.

Mee gara sinbirroota samii irra bararanii laalaa, isaan hin facaasan, hin haaman, gootara'atti'llee hin galchan, garuu Abbaan isaanii ka sami'ii isaan ni nyaachisa. Eegaa isin sinbirroota irra haalaan ni caalttanii mitii ree?

Dabalee'llee Yesus akkana ni jedhe, «Bili'ii fi danddiin bakka balleessanitti, hattoonni'llee cabbissanii bakka hatanitti, arrdii kana irratti mataa keessaniif qabeenna hin kuufanaa. Kana irra bili'ii fi danddiin bakka itti balleessu'uuf hin dandeenne, hattoonni'llee cabbissanii bakka hin hanne, sami'itti qabeenna keessan kuufadhaa.» Qabeenni kee bakka jirutti, onneen kee'llee achitti ni argama.

«Naminni tokko gooftota lamaaf tajaajilaa ta'uuf hin danda'u, yookiin tokko jibba, ka bira'aa'llee ni jaalata, yookiin tokko ni kabaja, kaan ni tuffata, akkuma kana naminni tokko yeroo tokkoon, Waaqaa fi qarshi'ii tajaajilaa ta'uuf hin danda'u.

Eegaa adha mulidhatee boru ibidda keessatti ka gatamu marga raasa'aa, Waaqinni akkanatti ka uffiisu yoo ta'e, isin worra amantiin isinitti dhidhate nana! Isin ammoo attamitti caalchisee isinitti hin uffifnne ree!

Ati garuu kennaa arjjoomaa yeroo arjjoomttutti, waan harki kee ka mirgaa raawwatu, harki kee ka bita'aa hin beekin. Eegaa arjjoomnni kee dhossa'aan haa ta'u, dhossa'aan waan hojjatame ka argu Abbaan kee, gatii hujii kee misha'aa siif ni kafala.

Itti aansee'llee Yesus akkana ni jedhe, «Namoonni nuuf haa argan jettanii hujii keessan mishaa namoota duranatti, raawwachuu irraa ufi eeggadhaa, yoo ta'uu dhabaate garuu, Abbaa keessan ka sami'ii biratti gatii woyiituu hin ariggattan.»

Yesus'llee itti aanssee akkana ni jedhe, «Yeroo soomttanitti namoonni soomuun isaanii akka isaanii beekaniif, akka worra fuula isaanii jijjiiranii akka fakkeessitootaa, fuula keessan hin qaamessinaa, dhugamaan isiniin jedha, isaan gatii isaanii fudhatanii jiran. Ati garuu yeroo soomitutti fuula kee miicadhu, mataa kee'llee dibadhu, haaluma kanaan, soomuu kee Abbaa kee ka dhossa'aan jiru malee, ka bira'aa eennu'llee hin beeku. Ka waan dhossa'aan hojjatame argu Abbaan kee'llee, gatii kee siif ni kafala.»