Popular Bible Verses from JAN 12

শেয়ার

Lephan kasé ɛ́nɛn ɛkhwɛn mɛn hɛ́nmɛn nɛn, tɛmɛ ɛgɛ mɛn thá, ochɛ́sé mɛn si mɛn ma, mɛn nɛnkhwɛ́nwo lɔ obhá lóne. Lephan kasé ɛ́khwɛn mɛn hɛ́nmɛn nɛn, mɛn Nthe bha ha hɛ ngu.

Lephan kasé ɛpɔ hɛ nbrɛn mɛpɔ́bhá, ábha ya hɛ mɔ́n mɛn liá, lókhɛ́n lephan kasé ɛle pɔ hɛ mɛpɔ́bhá áthéji lókɔn, ɛ́bha bo ábha ká ńmɛpɔ́bhá álephú hrómɛn.

Mímí mɛɛ́n kranmán hɔ́n: kasé ble mí lókɔn, ole bho ka nɔn mɛn khɛ́n ábɔn, lómí lókɔn átré lóne, lókhɛ́n kasé obho ka nɔn mɛn khɛ́n ábɔn, ácu sómí búdúbúdú.

Mɛn ni áyéfí bha áthéji, ochɛ́sé lephan kasé ɛbhu mɛn mímí, ɛ́le jran dubhlékhu hromɛn.

Lephan kasé ɛye mɛn bhwe, lókhɛ́n ɛle ji lóbhwe lókɔn, léli mɛn nɔn mɛn mán mɔ́ hɛ kwa. Mɛn nɛn ma salé mɛn mɔ́ áthéji kwa, lókhɛ́n mɛn ma mɛɛ́n do áthéji ká.

Mari hɔn nɔ́ndu jɛ khrákhrá bɛn aya lítre thethé obho nari bhwá nbrɛn tɛ saha Jezwi nta phɔ, ńmo mɛ́n hɛ́nyro ánphu nkɛ nta, ló lóphán do ákhúthé khúnbrɛn.

Wo jan ádɛ nbi pɛ, wo chan khúbhɛ́ hrómɛn thandi wo élo ywɛnlí Jezwi, ló wo elúkhwɛ́ tɔ sa: – Ńguhá ogɛ Yankan! Tɛmɛ Yankan obhɔ́ lephan khɛ́n ebhá Hwánthe hɛ́n hrómɛn ndu! Tɛmɛ Yankan obhɔ́ Izraɛ bhringbi ndu!

Ló Jezwi ékranmán wo lée: – Thénthé ácí si, ló áyɔn salé Lephan Mi ogɛ nguhá.