Popular Bible Verses from Lukase 10

শেয়ার

Pi jú’, mèŋ n ka gwaa túmo gẅi pá’a, ńnáa gẅi métʉ̀ lélɔg neŋte membɔ́ɔn pâ pàmangɔ̂ɔn ssé, ńgíŋ ńnáa gẅi metʉ̀ lélɔg ńcʉa Sátà, ngàŋ mbù tà tsɔ́ mmó le gẅi gÿo.

Yěsô gɔɔn ngie: Mágtà, Mágtà, ɔ̀ pǔ’ mbùm ɔ̀, ńgwá ńgyá ngɔ́’ nà shúm tà ńgyɔ́ɔn. Tá’ tà’a mmó gwɔ́ wó, ńgwɔ́ tʉ̀ nzẅìŋ, Malîɛ kaŋá yɛ̌ ŋwɛ́, ḿbɔ́ɔn nyìŋ léfó mbwo yé ńkẅé.

Á tsɔ́’ ngie: N tǒŋ ńjú’ ngie: «Kwoŋo Cʉ̀apʉ̀a Ssé ɔ̀ nê ngwòŋ ntʉ́m ɔ́ ntsèm, ńtÿɔ́g pɔ́ yé mvfò nà jú kɔ̀ɔkɔ́ɔ wɔ́, ḿbiŋ ńdɔg metʉ̀ mú ntsèm éfa’a mbwo yé, ńzába kwàŋte ɔ́ ndà’ ná yé, ńgíŋe ńkwoŋo fɛ́ gù nyìŋ mesoŋ pá’ twó mbùm ɔ́ la».

Pɔ́ gwaa gʉa, á gɔɔn né pɔ́b ngie: Eshúm sie mé gee ńdaga tsɛ̀ɛ nká’ gyɔ́ɔn tɛ’, nzẅìŋ megàŋa fà’ piŋ ńkɔ́g. Á poŋ ngie pi sẅíŋte ngàŋ nká’ à kẅi’i megàŋa fà’ pie pɔ́ ge ne laga shúm sé.

Yěsô gɔɔn pú’u, ńdêen ńké ńzɛ́te nkyàgte mbʉ̌ Ssé wa ngie: Ɔ̀ kwǎŋ jú ngie á gʉa ná pʉ̀a pɔɔn métá, awɔ̌ aa mǒ, ńgwɔ́ pá’ fɛ́ nyìŋ gẅie metsǒŋ la gwoon yé lɔɔn? A gɔɔn ngie: N kwǎŋ ngie aa nyìŋ gẅie à la tsɔ́ɔn mezìŋe mé, ńzoŋo yé. Yěsô lêen ńké ńgɔɔn né yé ngie: Lò, kwà’ gù jú ńnéŋe ńgÿo jú pú’u.

Pi lo, n túmo gẅi pɔ́ pà’ à lɔɔn ńgwɔ́ mé túm púɔ mvfó tsetsɛ̀ɛ menɔ̀ɔn ngẅì.