Popular Bible Verses from मरकुस 6

শেয়ার

यीशु ने चेल्‍लेयां जो बोल्लेया, “असी कुसकी किल्ली जगाह् बिच जाई करी अराम करी लिंदे।” किजोकी मते मणू तित्ते आदें-जादें थिये, ते तिन्हा जो खाणे रा भी मौक्का नी मिल्लेया।

यीशु ने तिन्हा लोक्कां जो बोल्लेया, “भविष्यद्वक्ता री अपणे सहर, ते अपणे रिस्तेदारां, ते अपणे घर जो छड्डी करी होर कुते भी बेज़्ज़ती नी हुंदी।”

यीशु ने उतरी करी बड्डी भीड़ दिख्खी, ते तिन्हा पर तरस खाया, किजोकी से तिन्हा भेड़ां सांई थियां, जिन्हेरा कोई रखवाला ना हो, ते से तिन्हा लोक्कां जो मती सारी गल्लां सिखाणा लग्गी पेय।

यीशु तिस जगाह् पर होर कोई चिन्ह-चमत्कार रा कम्म नी करी सकेया, वस थोड़े जणे बिमारां पर हथ रख्खी करी तिन्हेरे जो ठीक कित्तेया। ते यीशु जो तिन्हा लोक्कां रे घट विश्वास पर हरानी होई, ते से चारो पास्से रे ग्रां बिच भाषण दिंदा फिरदा रेया।

यीशु ने तिन्हा पाज्जं रोट्टियां ते दो मच्छियाँ जो चुक्केया, ते स्वर्ग पास्से दिख्खी करी परमेश्वर रा धन्यवाद कित्तेया, ते रोट्टियां तोड़ी-तोड़ी करी चेल्‍लेयां जो दिंदा गे कि से लोक्कां जो दिंदे जाण, ते से मच्छियाँ भी उन्हा सारेयां बिच बंड्डी दित्ती। सारे खाई करी रज्जी गे। जां मणू रोट्टी खाई बैठ्ठे तां रोट्टी ते मच्छी रे बारा टोकरे बचे रे थिये।