Popular Bible Verses from Jan 2

শেয়ার

Ni se yóm hol tanay hentaw ton nmò Jisas. Nmoen bè yóm sotu benwu snakuf Galili boluyen Kana. Ne bè yó gónóhen hegfan du yóm kfasangen, ne hemtahu le béléen yó kem gel lemolò du.

Mon Jisas se mò ke yéen, “Omin he ke tulónem dou yóm nmou, Yê. Là dengen kól du he yóm dou kdaw.”

Ne mon Jisas mò yó kem tau gel smagid ken, monen, “Nlem ye kut él dé yó kem lebwón yóó.” Tahu se, gotu hennok le. Omin Jisas bud mon du mò kul, monen, “Smakub ye du dé, ne benlay ye yóm tau fen hogot le du nim mò ken ni.” Tahu se, benlay le.

Yó balà Jisas kul, monen, “Genbà ye dé nim Gónô Dwata ni, bè tlu kdaw sana bud hdau.”

Na a lemwót Jisas mò fes tébéd, tódô gotu lohen lu yó kem safì ne yó kem ubiha hbalù le. Ne gotu lugoden yó kem lemisa yó kem tau gel lemuluk filak, ne gotu senbuléten yó kem filak le. Gotu dóken yó kem tau hembalù kfati, monen mò kul, “Gotu kó ye bè ni ni kem hbalù ye ni. Bê ye henbaling fedyan yóm Gónô Mà.”