Popular Bible Verses from Lǔkù 22

শেয়ার

è kě Ɔ dɛ̌a Ɔ je, “Ně Gbeǐ, bɛ̌ nu bɛ̌ moo Nè kɛn wɔɔn dɛ, è sònwɛ jejeɛ̌ɛ mǒ nae kàeà è Bò sà lɛɛ̌ je, kɛɛ bɛ̌ nu bɛ̌ se Nè kɛn wɔɔn dɛ, è Nè ni dɛà Ě jlɛ̌ɛ, kɛɛ nu dɛǒ jlɛ̀ɛ.”

Kɛɛ Saemɔ̌ò, Ě bàte Nyesoa nè tè ɛ̈ di ɛɛ numa nè tè wlò popoɛ ɛɛ̌ diǒ kplɛɛ le, plě bɛ̌ nu bò di de kělɔɔ̌ mɔ̀, mì bìì tùu ü moo Něe mɔ̀ cheěn nyo kpě ja le po.”

È Jùsu dǔa flɔ̌ɔ tìe mǒ Ɔ̌ pea Nyesoa tàto Ɔ̌ klǎla ɛ wan le Ɔ̌ nyea nɛ Ɔ̀ɔ mɔ̀ cheěn nyo Ɔ je, “Dɛà nɛ̀ moo Ně fǒ ɛ̈ nyee amo, dɛǒ nɛ̀ ba nu ɛ̈ di ɛɛ numa Ně tè miě aa wlò jleě be.”

Tà u wɔ̀aa wìti didi dɛǒ le, klě ɛmo tǔnʼu doǒ wlòmo Ɔ dǔa kàe waě mǒ, è kě Ɔ dɛ̌a Ɔ je, “Dɛà nɛ̀ moo Ně nymɔ ɛ̈ wlɛ̀ bo keǒ a mɔ̀, dɛǒ nɛ̀ poo kuo win jajle kòo kɛn ï neǒo a klee Nyesoa pǎnpe.

Tà Jùsu nea lěe wlò le popalaǒ slè, Ɔ mɛ̌naě sèn bo Ɔ̌ bɛ̀tea Ɔɔ Gbeǐ chɔɔ ɛ̌ sìnʼaǒ le. Chɛchoà bleaě Ɔɔ mǒ keǒ blǒ mɔ̀ ɛ wǒa mǒ kpoklǒ nymɔ kpěn.

Kɛɛ aa ka bɛɛ̌ ne bo je. Dɛɛ do ba nuu nɛ̀ moo nyu bɔ̌ jlɛ̌ ɔɔ tè bi kma chɔɔ klě a slè, bɔ tìe ɔɔ chɛ̀ ja wòje keà jǔ chěnchaě gbe. Nyu bɔ moo nyopò nae nyu klě a slè bɔ tìe ɔɔ chɛ̀ ja wòje na wien po nyebajlo.

Kɛɛ Jùsu tùa ɔ kɛ̀ɛn Ɔ je, “Bo tmɔɔ̌ mò Pitɛ̌, kekɛɛà mìǐ mɔ̀ chnɛ̀ma ɛ̈ moo sèě ji klě wěe tan wlòmo plě kokɔ̌ mǐma slò.”