Popular Bible Verses from Ɖúù 13

শেয়ার

“Ɓě vɔ̃ ɓɛ́ ɓě ké gbǒ-wɔ̃̀ ɓíè gboiɔ̀ mú mùìn, sepóɛɖé ḿ cɛ̃ɛ ɓě gbo kà ɓɛ́ nyɔ pàɖǎ mu ɖéɛ mú dyáìn mɔ́ùn, kɛɛ wa seɛ kpé ɓɛ́ǐn muɛ.

Màa ɖò nì ma ɖé, ké ɔ ɓéɖé ma zùù gbà ɖò, ké zùù gbàɔ̀ nyuɛ ké màaɔ̀ wɛ́ ma ɓó zɔ̃ ɓaɖa-bùè sè mɛ̀nɛ̌ìn-tã xwíníín. Màaɔ̀ kíɖí ma kɔ̃ tee, ké ɔ se ma dyí pɛ́ɛ̀ ɓɛ́ìn fɔɔ. Ké ti Jízɛ̀ dyé ma ɔ kɛɛ, ɔ ɖá ma ɔ, ké ɔ cɛ̃ɛ ma ɔ gbo, ké ɔ ɖá, “Noò, m̀ ɖǎ nì wɛ́ɔ̀ xwaún buɛ̀.”

Ké ɔ pɛ̃́ìn ma ɔ sɔ̃ kɔ̃, ké màaɔ̀ pɛ́ɛ̀ ma dyí wàɖà cá, ké ɔ nyí ma Gèɖèpɔ́ɔ̀ ɓàìn-ɓàìn.

Ɓě gmɔ̀ nɔ̄, nyɔ ɖíɛ́ ɓě ɓɛ́ wa sèà ɖe ɓó kàǔn wɛ̃ɛ mu dyúa ziìn, ké nyɔ ɖíɛ́ ɓě ɓɛ́ wa nìà dyúa ɓó kàǔn wɛ̃ɛ mu ɖe ziìn.”

Gbǒɔ̀ kɔ̃̀-nyɔ̀ɔ̀ mu dyí sɔ̀ùn, ɓɛ́ ɔ ké gbǒɔ̀ kã. Ɔ ɖǎ ná nìǐn, ɓě mu ɖé gbǒɔ̀ píé dyi nyànàùn, ké ɓě mu gbǒɔ̀ kɔ̃ún ɓaɖa kpàǐ ɖúùn, ké ɓě mu níiń, ‘Ɓɔ̌ɔ̀, kaà à bìì gbǒɔ̀.’ Ké ɔ muɛ ɓě gbo cɛ̃ìn, ɓɛ́ ɔ ké níiń, ‘Ḿ se dɛ̀ ɓě ké sɔ̀ kɛɛ dyuò.’

Ɔ se ná nì. Ḿ cɛ̃ɛ ɓě gbo, ɓě se ɓěɛ̀ nàmàǔn-kpèɖèɔ̀ dyi táà ní, ɓě séín mu mɛ́ìn kà ɓɛ́ wa mɔ̀ùn nyu ma kà mɛ́ɛ kɛ.”

Kɛɛ ɔ muɛ cɛ̃ìn ɖe, ɓɛ́ ɔ ké níiń, ‘Ḿ cɛ̃ɛ ɓě gbo, ḿ se dɛ̀ ɓě ké sɔ̀ kɛɛ dyuò. Ɓě mɔ̀ ɖɛ-gbà-nyu-nyɔ̀ séín ɓěɛ̀ kɛɛ, ɓě sɔ̀ dà ɓó ḿ dyúa.’

Sɔ̀ìn ɓóɛ gboɛɛ, Jízɛ̀ diè ma ɖɛi, ké ɔ ɖá, “Ɖɛ́ kè Gèɖèpɔ́ɔ̀ kã́á-ɓòɖòɔ̀ hwɔìn nyɛ́? Ɖɛ́ ḿ ɓɛ́ìn ɔ dyí poɛ̀n nyɛ́? Ɔ nì kà dyɛ̀ɛ̀-dyùà nìà kɛ. Gàa ɖò ɖú ma dyɛ̀ɛ̀-dyùà nìà kɛ ɖò dyí, ké ɔ ɓáa ɖé ɔ ɓíɖí-geɖeín. Ɔ ɓúá ma, ké ɔ nyu ma cu-gɔ̃̀, ké naà ɓě dè ma waà téɖé ɖé ɔ ɖɔ́ ɓěɔ̀ dya.”