Popular Bible Verses from मत्ती 2

শেয়ার

और तेस घौरा दी पौउंच़ियौ सेऊ मांऊ तेसरी मां मरियम आइलै देखौ, और धौनी झुकियौ छ़ोहरु कै ढाल की, और आपणौ-आपणौ झ़ोल़ौ खोलियौ तेसकै सुनौ, और मुर्र, और खुशबुदार च़िज़ै भैंटा दी देई।

हेरोदेस राज़ै रै राज़ा दी ज़ेबी यहुदिया रै बैतलैहमा दी यीशु रौ जनम हुऔ, ता देखौ, पुर्वा कु कई ज्ञानी यरुशलेमा दी आशीयौ पुछ़दै लागै। यहुदिऊ रौ हुणै वाल़ौ राज़ौ ज़ासरौ जनम हुऔ सा, सेऊ कियै सा? कैलैकि आमुऐ पुर्वा दी तेसरौ तारौ देखौ आ ज़ो तेसरै पैदै हुणै रै बारै दी बोला और आमै तेसकै झुकियौ ढाल कौरदै आशै औन्दै।

तेस तारै देखीयौ सै भौरी खुश हुऐ।

और सुइणै दी सौरगदूतै तिउंलै इणौ हुकम दैऔ की हेरोदेसा काऐ औज़ौ ना डेवेऊ, तैबै सै दुजी बाटा दी आपणै देश मिस्रा लै डेई गौऐ। तिंउरै डेउणै बासिऐ प्रभु रै एकी दूतै सुइणै दी पौगड़ौ हुइयौ युसुफा लै बोलौ, “उठ, एस मांऊ और एसरी मां कौरी मिस्र देशा लै डेऊ। और ज़ेबी झ़ांऊ हाऊं ताउंकै नाईं बोलु लौ तेबी झ़ांऊ तिऐ रौऊ। कैलैकि हेरोदेस एस मांऊ आ लोड़दै लागौ औन्दौ ताकी एस पोरु झ़ांगा।”