Popular Bible Verses from Emiighom 17

শেয়ার

Mem dị Ebram mạman esughadi rꞌesugha ạsia, kụ Ọmoogh-we phọ amite egaan esi ọdi kụ ạḅeni mọ, “Mị kụ Ẹnaan Oomo Ịikpo phọ. Ụnaghanan ịmi aḍighi oye dị ịḍagha ílho.

Ḍien ạna kókol ghan mun mọ Ebram, kokol mọ Ebraham, ịdi eḍighi bọ mị raḍighi nyịna ọde ịminighan areelhe.

“Mị kạkparami ni ịyo phọ ạmi rꞌạna, rꞌẹemara ẹemara phọ ạna, rꞌarighiil ạna ghisigh. Ịyo phọ ạmi kẹtol li kꞌagee-pọ. Mị kaḍighi Ẹnaan ạna rꞌẸnaan ẹemara ẹemara phọ ạna.

“Mị rakiran ịyo phọ ịphen rꞌạna: Mị aguanaan mọ nạ kaḍighi ni ọde ịminighan areelhe.

Ẹnaan ẹḅeni Ebraham mọ, “Ịdipho kéḍighi. ASera ạnir phọ ạna kạmaranaan ni nyịna mọony. Nạ kakol ḍien ọdi mọ Ạizik. Mị kạpamanam ni ịyo phọ ạmi esi ọdi, ịyo dị kẹtol kꞌagee-pọ ẹgbaam ẹemara ẹemara ọdi.

Mị kạngo nyịna rꞌẹemara ẹemara phọ ạna de phọ ạḍien nạ aḍighi bọ ooruen nyịidipho; oomo ade phọ aKenan keḍighi ḍịo ana kꞌagee-pọ kụ mị aḍighi Ẹnaan ạbidi.”

Ebraham azumeri ẹmhu ọdi tụtu aghisigh ọdi ạḅogh ude kụ ạmilogh kụ apuruan loor ọdi mọ, “Okumor oye oniin okuron ạsia phọ kụ kạmar mọony? Okumor ạnir esughadi ạsia kụ kạmar mọony?”

Ẹnaan ẹḅeni Ebraham mọ, “Kákol ghan mun ḍien ạnir phọ ạna mọ aSerai. Emiigh nyịidipho kụ ẹghi, aSera kụ aḍien ọdi.

Ḍun ghan oodu phọ ạsighe loor iphulupul phọ. Ẹphen phọ kụ keḍighi ghan eḍeenaan ịyo phọ mị rꞌạna oghiran bọ.

Kụ ọlo mị kạpamanam ịyo phọ ạmi rꞌẠizik ọony phọ aSera kạmaranaan bọ nyịna ọdo phọ oogho phọ ọphon nana.”

Tọrobo olephiri ọony lọ nạ ạmar kụ rẹman ọphaanya aḍughul-otu bịn aḍun ghan; tọrobo olephiri ọony sịphe oomo arighiil phọ ạna, mọ ọlo ọmar kꞌạna, mọ ẹbene lọ oghoom ikpoki lọ útu ọto ọophi ạna. Mọ ọlo ọmar sịphe kꞌạna, mọ ọlo oghoom ikpoki, pọ iḍun ghan ni. Ịduon kụ ịdi ịyo phọ ạmi kẹtol loor ạna kꞌagee-pọ.