Popular Bible Verses from Yɔhánɛsɛ 16

শেয়ার

Mɛ ná bənú lakɛ́ná nɔ́yɛ́ ɔkɛaka ɔwá, nɔ bumbə́nú kúsə́nə ɔ tɔ́mbákɛna na mɛaŋɔ́á. Nɔ ŋɔ məsə́kə siəkinə ɔ misí, mba, nɔ báá na makɛ́nda! Ɔwámɛ mɛ ná misí nɔ́ba.»

Ɛnáká Umbúínyi wɔ́ taká wɔ́ ndáfámá, wɔ́ ŋɔ kɛaka ɔwá nɔ taká mikimə manya. Ɔ taká, a sɔ́ ŋɔ bá a ndɔ hɛ́na na yayɛ́á iŋgínə́, mba, a ŋɔ bənú lakɛna yatɛ́ yikimə ɔyɛ́á a ŋɔ ɔ́kɔ́kɛna, a ŋɔ bənú mənyəsiə yatɛ́ ɔyɛ́á yɛ́ ná hɔ́ánána ɔndafama.

Ɔ ndafámáká isíŋáka, ata bɔkɔa nɔ nana batá ɔ ɔwámɛ niínyə. Nɔ́ batá, nɔ ŋɔ kusənə ɔkɛaka ɔwá, níə́núə́ nɛhɔnɔ nɛ́ báá úndúə́tɔ.»

Ata nɔ́yɛ́, taká mɛ ná bənú lɛ́na: Yɛ́ lɛa mɔsɛ́ŋɛ́ ɛlɔ́áyɛ́ ənú ɔwá mɛ ákana, ɔ taká, ábá mɛ sá ákána, Mɔkamɛla a sɔ́ ŋɔ ndasá na bənú, mba, ábá mɛ ná ákáná, mɛ ŋɔ bənú wɛɛ́ya lɔ́mɛ́na. Ɛnáká a ndáfáma, a ŋɔ bɛndɔ bá yɛ́ɛ́yɛ́ misí ínə́niə ɔwɔŋgɔkɔnɔ bɔbɛ́á, bɛkɔa bɛ́ taká, na bikə́lə́síníə́ bɛ́ Huɛlɛ́.

Nɔ́yɛ́ nɔ lɛ́á isíŋáka ɔ məsə́kə, mba mɛ ŋɔ bənú manyɔ́ siəkinə. Nɔ́yɛ́ wə́núə́ mɔlɛ́má wɔ́ ŋɔ bílə́nə́kə, ata mɔndɔ a sa ndá nɛ́táyɛ́ nɛhɔnɔ ɔlɔ. Ɔ bɔ́táyɛ́ buɔsɛ́, nɔ sa ndá mɛaŋɔ́á bátá ata bɔkɔa. Ɛ́ɛ! Ɔ taká, mɛ ndɔ bənú nɔ́yɛ́ lɛna, bikimə ɔbɛ́á nɔ ŋɔ Isə́ bata ɔ ɔwámɛ niínyə, a ŋɔ bənú índiə.

Ɛ́ɛ! Ɔ taká, mɛ ndɔ bənú nɔ́yɛ́ lɛna, nɔ ŋɔ báá ɔ malɛlá ikúílí ɔyɛ́á bɛndɔ bá misí bá ŋɔ bílə́nə́kə́, nɔ ŋɔ báá ɔ məsə́kə, mba, mə́núə́ məsə́kə má ŋɔ bɛ́kɔ́ŋɔ́na ɔ nɛhɔnɔ.