Popular Bible Verses from Mat 7

শেয়ার

Ghɛn yɛ bif kɛn bifen, é Feyine fó se ghɛn; è yɛ kɛŋ kɛn kɛŋen, é Feyine din se ghɛn; è yɛ kfənte kɛn əbchio ndaa kfənten, é Feyine dise se ghɛn.

Bek ge naa ndɛ bife, é Feyine fó se wen, nɛ̀ naa ndɛ kɛŋe, é Feyine din se wen. Naa ndɛ yɛ kfənte əbchio ndaa, é Feyine dise se wen.

Ke me se lu ge naa ndɛ wɛ əb yion giɛ ə som shin è yɛ nɛɛye ka mɛ suuyen nɛ̂y yɛ lu ka wel əbtofen wɛ əb nè baklen ndaa ə wen ɛ ketiɛ kɛ luun ɛyghok.

Ghɛn yɛ nɛɛye kenəə se ghele nɛ lu kɛ ghɛne koŋen ge ghene yɛ nɛɛy se ghɛn, bek ge kii nɛ̂ kine lu kenəə kɛ nchil ghene ghele ntum nə Feyine dinen.

Dî nɛ əbchio ndaa wɛ əb liin nɛ lu ɛychii yɛ ɛy jia yî mɛye laytee, nɛ jii ten taa, nɛ ghel ghɛ ɛ́ chian ɛ ten laaye.

Ghɛn yɛ lii jii əbchio ndaa əblaytene bek ge jii yɛ ɛy nduun ɛ kemboo əbvəse bonene, nɛ əbchio ndaa ghake, nɛ ghel ghɛ ɛ́ liin ɛ ten dio.

Ghɛn ghɛ ghele mbeese lɛ ke se fo əbfua əbjuŋe se ghon ə ghɛne lɛ, é Ba ə wɛn wɛ əb luun ɛ ɛyyio jia fo əbfua əbjuŋe se ghel ghɛ ɛ́ bifen se wen è chia ka ghɛne foon-a!

Ghàà ghɛn yɛ ghame ghel fɛ Feyine náà gham ghɛn. Ke lu dî bek ge Feyine náà yɛ ghame ghɛn kɛn ɛ jii yɛ ghɛne ghamen ghel ɛlee ɛ ten. Əbfek wɛ wɛ̀ feken kefaa so se geese fo se wel lu əbghene wɛ Feyine náà fek kiɛ so.

Dî nɛ wel wɛ əb yion giɛ som shin nɛɛye wiy ka mɛ suuyen nɛ̂y yɛ lu ka kengoo kɛ ke nè baklen ndaa ə wen ɛ kegvəmte əmntiɛ.

Lu bek ghɛ wɛ wɛ̀ kiyen ɛykfəke fekak yɛ ɛy luun ɛ wan-no ə viɛ ɛyshiɛ, dî yɛne wiy kefuŋ kɛ ke luun ɛ yiɛ? Lòó wɛ̀ suuy lɛɛy se wan-no ə viɛ ge: Wan-no ə wom fəyse ɛykfəke fekak yɛ ɛy luun ɛ wɛ̀ ɛyshiɛ, nɛ kefuŋe fekake lu ɛ yiɛ?

Ghɛn toknen kum nfektese əbbuam. Ghene lóó ɛ́ gwiy se wel ge wɛ̀ɛ̀ ka bvəy njiɛ, dî nɛ lu se məm nɛ ghene lu ka bááse. Ghɛne nɛ̂y keele ghene bek nchiine ə ghen. Lɛ lòó ɛ́ koy ɛybiy ɛ fekake bia-a? Moo lɛ lòó ɛ́ koy fenyak ɛ əbteŋe nduy-a?

Ke me se lu ge fekak fejuŋe sɛɛ koom əmtam əmjuŋ, nɛ fekak febéé koom əmtam əmbee.

Fekak fejuŋe lòó fe jia koóm əmtam əmbee, ghɛɛ-ghɛɛ ka fekak febee lòó fe jia koóm əmtam əmjuŋ.

Fekak fɛ fe báà se koom əmtam əmjuŋ lu nɛ ɛ́ nɛ̂y gwɛl è kwaay.