Popular Bible Verses from Jɑ̂ŋ 13

শেয়ার

Ŋ ɡʉ ŋ́ɡɑ́ nɛpʉ́ʉ nɛ fí mbɔ̌ pʉʉ, ɛ́ pɔ́ ŋɡɔ: «Pʉʉ kɔŋɛ pʉʉ nɛ́ pʉʉ. Pɑ́Ꞌ ŋ kɑ kɔŋnɛ wʉ́ʉ lɑ́, pʉʉ yʉ́ʉ kɔŋɛ pʉʉ nɛ́ pʉʉ. Pʉʉ lɑɑ ŋ́kɔŋɛ pʉʉ nɛ́ pʉʉ, mbɔ pʉɔ tsʉʉ ɡʉ ńjí ŋɡɔ pʉʉ ɡɑŋku pɑ́ɑ.»

Ɛ́ lɑɑ ḿbɔ́ yi kwɑꞋ mɔ Tsɑpʉɔ, ḿbɔ́ Cícɑ, ɛ suk mɛku mʉ́ʉ, mbɔ ɛ́ píkŋɛ ŋɡɔ pʉʉ yʉ́ʉ, pʉʉ pɔ́ ɛ́suk mɛku mʉ́ʉ pʉʉ nɛ́ pʉʉ. Mbíꞌŋɡɔ, n nyɛt wʉ́ʉ nɛ́ fʉꞋ nɛpɔ́ yi pʉʉ yʉ́ʉ pʉʉ ɡʉ ŋ́ɡɛ pɑ́Ꞌ pʉʉ jʉ́ɔnɛ ŋ ɡɛ lɑɑ.

Yɛ́su tsɔ́Ꞌ mbɔ̌ wɛ́ ŋɡɔ: «Yúu mi mɔ sɛ́ ŋ́ɡɛ, ɛ́ lɑɑ ḿbɔ́ ɔ pɔɔ zúꞋ ŋkɔ̂ɔnɛ pɔ́. Lɑ́ ŋ́kɛ́ ŋ́ɡʉ ńzúꞋ.»

Lɑ́ ɛ sẅíi wʉ́ʉ, kwɑꞋ nɛ́nẅín, nzíꞋfɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ŋɡɑŋntúu kɛ́ mbɔɔ ɡúꞋ ńdɛɛ ŋu ẅí ɑ lɑ́Ꞌnɛ ńtúu wɛ́ pɔ́.

Pɑ́Ꞌ pʉʉ sɛ́ ńjí ŋkɔ̂ɔnɛ lɑ́, pʉʉ lɑɑ ŋ́ɡɛ pɔ́Ꞌɔ, mbɔ pʉʉ pɛpɔ́ttú.

Ńnɑ́ŋ tɛ ńdɔ sɛ́, ɛ́sɔt ndẅí-fɑ́k yɛ́, ńnɔŋ sɛ́, ḿbɛ́ɛ tɑ́wɛtɛ ńzʉ́ʉ lúꞋ yɛ́. Ŋ́ɡɛ pɔ́Ꞌɔ, ńníꞋ ŋki tsɛt kɑ́ŋ, ńzɛ nɛlɔk ɛ́suk mɛku ɡɑŋku pɛ́, ńdɔk tɑ́wɛtɛ ẅí ɑ kɑ zʉ́ʉnɛ lúꞋ yɛ́ ńtuk.