Popular Bible Verses from Luù 5

শেয়ার

Nààŋ wo Jisɛ̀ naŋ kpɛ̀ɛ̀yɛ̀ gbòà koɓɛ̀ anyùùŋ nyaŋ, wò naŋ wòò wo Saimɔ̀ŋ wààŋ, “Dùlò wɔŋ gɔɔ̀ fauŋ e wùìyèɛ diɛŋ nyɛ̀iŋ nààŋ dàwium nyàŋ niŋ gbìào maŋ kpeeiŋ màŋ wèè niŋ kùwà aŋ kɛ̀ì.”

Wo Saimɔ̀ŋ naŋ fasàì wààŋ, “Kààmɔɔŋ, è naiŋ nàaŋ tomo wɔŋ dùmɔ̀ɔŋ gbiŋ, e gòiŋ nàaŋ kùwà è nɛ̀ŋ gbiŋ. Kɛɛ sèè mùŋ woà yɛi, mìŋ doo nàŋ gbìɛ̀ŋ maŋ kpee màŋ.” Nààŋ àŋ nao gbìɛ̀ŋ maŋ kpee màŋ, àŋ naŋ wa kùwò aŋ kɛì zimgbe e nyɛ̀nɛ̀ŋ maŋ kpee màŋ joo tòloò wèè maŋ kɛtɛ kɛ̀tɛ̀.

Kɛɛ e teenga gbiŋ wò folo anyùùŋ nyaŋ e tɛɛ wo kà koɓɛ̀ bà su wèè wo zoolò.

Miŋ gò hnàŋ wèè ka nyààŋ ànyùùŋ tɔ̀ɔ̀nyaàŋ nyaŋ wèè aŋ fè màŋ tùwo naanààŋ nyiŋ màŋ jɛwɛ. Mìŋ naŋ hnè wèè ka nyààŋ anyùùŋ maŋ jùumù nyaŋ.”

Nààŋ wo Saimɔ̀ŋ Piilɛ̀ naŋ yɛ̀mɛ̀ aŋ kɛ̀ì nyaŋ, wò naŋ dè maŋ gɛ̀ɛ̀nùuŋ màŋ dìì wo Jisɛ̀ fɛɛ̀feìŋ yèè wò naŋ woò wààŋ, “Kanaà, ɓɔ̀ mùŋ gbɛ̀ɛ̀im, esaɓù kɛ̀ mìŋ yaà wo nyùùŋ maŋ jùumù.”

Wo Jisɛ̀ naŋ nyiŋ woò wààŋ, “Anyuùŋ ɓòù nyaŋ fè kàmè wò zòòlègòò, sɔɔ̀ nɔŋ anyuùŋ sàaŋ nyàŋ.

Àŋ naŋ gɔ̀ɛ̀ɛ̀ maŋ gɔ màŋ ko tiwiì, yèè àŋ naŋ jòò manɛ̀ŋ nyiŋ màŋ gbiŋ aŋ dè Jisɛ̀ maŋjɛ̀wɛ.

Wo Jisɛ̀ naŋ wa hnè ko jawa bà wɔŋ fùɔ̀ŋ Galaliìɔ sùà, ko yèi wò naŋ wa mɛ̀ɛ̀ŋ wo felaa kùwìè e sààŋ mankùnù naanààŋ bà. Nààŋ wo felaaà naŋ wa yɛ̀mɛ̀ Jisɛ̀, wò naŋ gbùwò wɔŋ dewàuŋ nɔɔ̀ŋ dììnaŋ wo Jisɛ̀ fɛɛ̀feìŋ, yèè wò nauŋ pɔwɔ̀ wààŋ, “Dàa, kɔ̀nɛɛ̀ŋ sungàim, esaɓù kà nyìmàŋ kɛ̀ màim ɓɛ̀nɛ̀ŋ sùnga ka zɛ̀nɛ̀ŋ sèè mùŋ mɔnɔŋ.” Wo Jisɛ̀ naŋ vùlɔ̀ŋ wɔŋ kuàuŋ nɔɔ̀ŋ wò naŋ mɛ̀nlɛ̀ɛ̀ŋ wo felaaà wò nauŋ woò wààŋ, “Mìŋ manaŋ. Joyà muŋ zɛ̀nɛ̀ŋ!” Ko fɛɛ̀feìŋ, e sààŋ maŋkùnùɛ naŋ jùò wo felaaà e kɔɔ sùà.

Ebò Jisɛ̀ɛ naŋ wa ɓɛìŋ ɓaayè, yèè anyuùŋ zimgbe naŋ hnè ko nɛ̀ɛ̀uŋ niìŋ wèè auŋ kumiàŋ e kìlà wo sùngà maŋ sàaŋ nyiŋ màŋ.