Popular Bible Verses from Luù 13

শেয়ার

“Nyɛ̀nɛìŋ e tɛ̀ɛ̀tɛ̀ɛ̀ɛ gbiŋ nìŋ naŋ ɓɛ̀nɛ̀ŋ nyɛ̀nɛŋ lɛ̀ wèè niŋ jɔɔyɛ̀ wɔŋ gbemgbee suulìɔ sùà. Esaɓù kɛ̀ aŋ zimgbe nyiŋ do nàŋ kàmè ɗewe wèè aŋ jɔ̀à ko àìjɛnɛ̀ŋ wɔŋ dòmaŋ nyaaŋ joo bà, kɛɛ aŋ naàŋ jɔ̀.

Wo nìe bà yaào wa wo yèɔ naŋ wa nɛɛmùŋ wèè maŋ dòà zììyà jɛ̀wɛ̀ nɔɔnɔŋ le taai esàɓù wo jinàŋ naanààaŋ yàaùŋ wa maŋjɛ̀wɛ wɔ̀. Wo nìeɔ̀ naŋ wa fungo e kìlà wo fè wa ɓɛìŋ ɓɛ̀nɛ̀ŋ sìe ɗeiŋ. Nààŋ wo Jisɛ̀ naŋ yɛ̀mɛ̀ wo nìeɔ̀, wò nauŋ nyààŋ yèè wò nauŋ woò wààŋ, “Nìe wɛɛ̀, e sàaŋ mɔ̀ɛ̀ èum jùà e kɔɔ sùà!”

Wo Jisɛ̀ nauŋ gbùwò maŋ kùàŋ diɛŋ, ko fɛɛ̀feìŋ wo nìeɔ̀ naŋ sie ɗeiŋ yèè wò naŋ tɛ̀nɛ̀ŋ wo Dayà.

Kpeiŋ anyùùŋ nyaŋ yaà naàŋ aŋ dìàmaŋ nyàŋ lɛ, do nàŋ nɔ̀ŋ anyuùŋ jiɛ̀jiɛ̀ nyaŋ, anyùùŋ nyaŋ yaà naàŋ aŋ jiɛ̀jiɛ̀ nyaŋ lɛ̀, do nàŋ nɔ̀ŋ anyuùŋ dìàmaŋ nyàŋ.”

Wo kɛ̀ɛ̀nɛ̀ŋ saaàŋ do nàŋ yèwè dìì wo yìlà wɔŋ gbemgbeeɔ̀. Kpeiŋ nìŋ do nàŋ sìè ko jɔɔlèi naŋ tɔ̀ɔ̀tù wɔŋ gbemgbeeɔ̀ kpùla nìŋ yaà woo nààŋ, ‘Dàa, yìlè wɔŋ gbemgbeeɔ̀ weè wi!’ Kɛɛ wò doiŋ nàŋ fasàì wààŋ, ‘Miŋ nyimààŋ kɛ̀ kòò nìŋ yewe!’

Kpele! Kɛɛ tɔ̀ miŋ woòiŋ kɛ̀ sèè nìŋ go fè maŋ jùumùiŋ màŋ jɛwɛ, nìŋ do nàŋ fɔ̀ nyɛ̀iŋ pɛɛ màànààŋ àŋ naŋ fɔ̀ lɛ.”

Kɛɛ wò doiŋ ɓɛìŋ naŋ woò wààŋ, ‘Miŋ nyimààŋ kɛ̀ kòò nìŋ yewe, yèwa nìim feìŋ, nyɛ̀iŋ nààŋ nyùùŋ kpèè naanààŋ nyɛɛ̀ŋ!’

Kpeiŋ wo Jisɛ̀ naŋ ɓɛìŋ woò wààŋ, “Dièsɔa e Kànà Dayàa è yaà? Kiìŋ mìŋ naŋ niŋ ɓɛ̀nɛ̀ŋ tèène? E ɗewe lɛɛ̀ e Kànà Dayàa è yaà. È yaà mààŋ sèè wo nyuùŋ tòmò ɓùɔ wo ɓèmè ke kaaŋ komaŋ wo nyiŋ nyùàŋ ko ɓùuŋ noo. Kè dɛɛ̀ ke nɔ̀ŋ ke kuù gbee, e kìlà aŋ wòì nyaŋ ko fùùiŋ hnàŋ aŋ nyɛ̀lɛ̀ maŋ jie nyiŋ màŋ maŋ kpee nyiŋ màŋ sùà.”