Popular Bible Verses from Johanes 10

শেয়ার

De Deef kjemt blooss, om to stälen un to schlachten un to venichten. Ekj sie jekomen, om daut see Läwen ha un daut en Äwafluss haben.

Ekj sie de goode Hoad; dee goode Hoad lat sien Läwen fa de Schop.

Miene Schop hieren miene Stemm, un ekj kjan an; un see foljen mie

un ekj jäw an eewjet Läwen, un see gonen nich veloaren en Eewichkjeit, un kjeena woat dee ut miene Haunt rieten (roowen).

Ekj sie de Däa; wan eena derch mie nenjeit, soo woat hee jerat (seelich) woaren un woat nenn un rutgonen un Weid finjen.

Ekj sie dee gooda Hoad; un ekj kjan de Mienje un sie jekjant von de Mienje

Mien Voda, dee an mie jejäft haft, es jrata aus aules, un kjeena kaun dee ut mienem Voda siene Haunt rieten (roowen). Ekj un de Voda sent eent.

soo aus de Voda mie kjant un ekj däm Voda kjan; un ekj lot mien Läwen fa de Schop.

Kjeena nemt daut von mie, oba ekj lot daut von mie selfst. Ekj ha Jewault, daut to loten, un ha Jewault, daut wada to nämen. Dit Jeboot ha ekj von mienem Voda emfange.

Jesus räd wada to an: Woarhauft, woarhauft saj ekj junt: Ekj sie de Däa fa de Schop.

Oba de Aunjenomna, dee nich Hoad es, däm de Schop nich ieejen sent, sitt däm Wulf komen un velat de Schop un rant wajch; un de Wulf raupt an un vestreit [dee Schop.

Woarhauft, woarhauft, saj ekj junt: Wäa nich derch de Däa em Schopstaul nenjeit, oba aundawäajes äwakjript, dee es een Deef un een Merda.