Popular Bible Verses from Luc 21

শেয়ার

Diʼee gá ɨ́ mpʉ̂n. Jɨʼlaa gá ɨ́ jɔʼ yɨ́yɛ̂h, ó bɨ̌n nkʉ̂ kɨ̂ŋ bísyɛ́ɛla bí móhó waá bíbyɛ̂h. Jɨʼlaa gá ntémé ó bɨ̌n nkʉ̂ be e nkul etyɛ̂b ɨ́ mpǒm Mwân mé Mʉr.»

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

Tiʼɨɨ gá menyʉ́l mɨ́n ɨ́ nzɨ̌ bíhwó nyɨ́n!»

Ebě, mɛm mʉr tɨ̂, me óboó dwe bɨ́n mekǎn le ocwóó, mbi dí ó, ontɨ̂m le obɨn bɨ́n, bé óbe, abe e nkul ekǎ yala, nkʉ̂ sóŋlo yɨ́.

Kʉ́ e sí, byé ólaa. Milɔ̌b myâm míɛ, myé ákóʼó síe.»

«Mesimá, mé ósyɛ́ɛ ɨ́ dʉ́o, le lɨ́ álomó le lɨ́ ocwícwén. Obóʼó ó mâŋ, wé ópɨ̂ʼla le eduo, ntaa sʉ́ŋa. Bʉr o bíkúl bí sí yɨ̂ʼ bɨ́bɛ̂h, bé ójóʼo bʉ́á, miléme ɨ́ mo ɨ́ nzamá. Ekɛ̂n, lé óbuú swɨɨ bʉ́rʉ̂m ɨ́ menyʉ̂l, bé ntɔ̂ʼ puro mpâl lɨ́ epahlě sá ngá syɛ́ɛ ɨ́ sí yɨ̂ʼ yɨ́, ebě, bisá bí nkûl bi dí ɨ́ jʉ́o kʉ́ bí, byé ókubla. Jɔʼ yaá ó bé ngá bee Mwân mé Mʉr lɨ́ enze ɨ́ dwiné tʉ́ŋlʉ̌, lwɨ́ŋlá e nkul ɨ́ buo buo ti e mentyɛnwa yɨ́.

Bʉr bɨ́bɛ̂h, bé óbene bɨ́n ɨ́ lɔ̌b wâm.

Sí, yé óbuú kubla bígúmo bígúmo. Nza, nye ónyaŋla ɨ́ sí yɨ́yɛ̂h. Bibébebébe bínumo, byé ópyâl ɨ́ byúú bígúmo. Bidǐm bi dí esâ ékɛ̂n bí le bidweʼle bí ábwaʼbwâʼ, byé ónyɨ̂n ɨ́ jʉ́o kʉ́.

Bʉr, bé ólɛ́ɛ bɨ́n milɔ́ɔ ɨ́ lɔ̌b mɔ̂m e bintʉ̌ mû lɨ́ esyɛ́ɛlɨ bí. Milɔ́ɔ myaá sá atɨ̂l bɨ́n mekʉ̌ sí. Yé jala ó, bisâ byaá nyɛ́ɛ pyâl. Damá jóʼo nó, esúʼlá é kʉ́ e sí, lé ákóʼó kpâhwǎ pyâl.» Nó nyé á baʼa lɛ́ɛ e bé ó: «Yɨ̂ʼ kúl bʉ̂r, yé ólwímla e yʉ́ʉ́; nyâʼ njwɨ́ɨ lwímla e nyʉ́ʉ́.

«Mesimá, mé ósyɛ́ɛ ɨ́ dʉ́o, le lɨ́ álomó le lɨ́ ocwícwén. Obóʼó ó mâŋ, wé ópɨ̂ʼla le eduo, ntaa sʉ́ŋa. Bʉr o bíkúl bí sí yɨ̂ʼ bɨ́bɛ̂h, bé ójóʼo bʉ́á, miléme ɨ́ mo ɨ́ nzamá. Ekɛ̂n, lé óbuú swɨɨ bʉ́rʉ̂m ɨ́ menyʉ̂l, bé ntɔ̂ʼ puro mpâl lɨ́ epahlě sá ngá syɛ́ɛ ɨ́ sí yɨ̂ʼ yɨ́, ebě, bisá bí nkûl bi dí ɨ́ jʉ́o kʉ́ bí, byé ókubla.

Nó nyé á baʼa lɛ́ɛ e bé ó: «Yɨ̂ʼ kúl bʉ̂r, yé ólwímla e yʉ́ʉ́; nyâʼ njwɨ́ɨ lwímla e nyʉ́ʉ́.

Nó ó Yésʉs á lɛ́ɛ ó: «Diʼee gá mekʉá ɨ́ binyâ. Bɨ̌n ámû jaá dímlɔɔ, ebě, bʉr ɨ́ buo buo, bé ónzɨnze e díé lâm, le elɨlɛ́ɛ ó: “Mɛm ó dí nye!” Bé óbáʼǎ lɛ́ɛ ntémé ó: “Jɔ̌ʼ jwɨ́ɨ́ yâm, yɨ́ pyâl!” Sâ gwár, mʉr adû gá bê.