Popular Bible Verses from Yʉánɛs 3

শেয়ার

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Mʉr dí edyɛ̂ʼwo e Mwân mé Nzyɛ̌m nyá, nyé akǎ be e mebyaʼ. Mʉr dí adyɛ̂ʼwo e né nyá nyɨɛ ó dí e mebyaʼ, ebě, nyé apǎ dyɛ̂ʼwo le Etíʼé é Mwân mé Nzyɛ̌m.

Mebě me mʉ̂r waá, mé duho ó, ɨ́ lɔ̌b njʉl mû sí pan ɨ́ sí yɨ̂ʼ wɨ́. Bʉr bɨ́ɛ kǎ kpɛl édúrʉ́ʉ́, laǎ njʉl waá, ebě, bé lɨ́ ebuú kpɛl ésâ mísyóm.

Kûm nyé ó dí ejala le ebwǎʼ bwaʼáa; nyaá nyǎm twâʼwǒ twáʼwáa.»

Mʉr nyɨnyɛ̂h dí esâ syóm nyá, nye lɨ́ ekpɛ́ɛ̌ njʉl. Nyé abe lɨ́ enze ɨ́ gúmó wé dí yɨ́, ebě, nyě kpɛ́ɛ́ ó, misyóm myé, myé ámû jaá gwíhǎ kʉ̌l.

Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

Jwɨʼ gwár Moyɨ̂z á nʉa mveʼle nyʉ́a, gbâ ɨ́ lɨ́, bɨ̂n yé kʉ́ ɨ́ lʉá yɨ́, jwɨʼ gwár yaá ntémé ó Mwân mé Mʉr jálá le ebɨ́nɔɔ kʉ́ yɨ́.

Nzyɛ̌m Sɔ́ŋ, nye lɨ́ ekpɛl Mwân wé. Nyɨ́ boó gbâ sá yɨ́yɛ̂h sí jwɨ́ɨ́ yé.