Popular Bible Verses from يَحَيَ 16

শেয়ার

مِ وِعُعٛنْ طُعُمْ نغَمْ کٜٻٛنْ بٜلْطُمْ ٻٜرْندٜ بَرْکَ سُمْڤٛوتِرْکِ اٜ اَمْ؞ ندٜرْ دُونِيَارُ ندُعُ اٛنْ نجَرَيْ تٛرَّ؞ اَمَّا تٛع اٛنْ نغَنُّ، مِ حٜٻِي جَالٛرْغَلْ دٛوْ دُونِيَارُ؞»‏

اَمَّا شَرٜلْ نغٜلْ رُوحُ اَللَّه کٛلَّيْطُمْ غٛونغَ وَرِي، طُمْ اَنْدِنَيْعٛنْ غٛونغَ فُو؞ طُمْ مٜتَتَا بٛلِيطٜ طٜ حٛورٜ مَاجُمْ، کٛ طُمْ نَنِ تَنْ طُمْ مٜتَتَ، ندٜنْ طُمْ وِعَيْعٛنْ کٛ وَطَتَ يٜىٰسٛ؞

حَا جٛونِ اٛنْ تٛرَاکِ غٛطُّمْ ندٜرْ اِنْدٜ اَمْ؞ تٛرٜىٰ اٛنْ کٜٻَيْ، نغَمْ وٜلْوٜلٛ مٛوطٛنْ حٜىٰوَ؞

اَمَّا اٜ مِ وِعَعٛنْ غٛونغَ، نغَمْ ٻٜيْدَارِ مٛوطٛنْ ندِلَّيْمِ؞ نغَمْ تٛ مِ دِلَّايِ، طُمْ طٛنْ بَلَّيْطُمْ وَرَنْتَاعٛنْ؞ اَمَّا تٛ مِ دِلِّي، مِ لِلٛيَيْطُمْ تٛ مٛوطٛنْ؞ تٛ طُمْ وَرٛيِي، طُمْ حٛلَّيْ يِمْٻٜ دُونِيَارُ ٻٜ ڤَامَايِ بٛطُّمْ کٛ وٛنِ حَکّٜ، اٜ اَادِلَاکُ اَللَّه، اٜ کِيتَ مَاکٛ؞

نٛنْ طُمْ وٛنِ تٛ مٛوطٛنْ؞ جٛونِ طُمْ شَرٜلْ نغٜلْ نَنٛتٛنْ نَوْطُمْ ٻٜرْندٜ، اَمَّا مِ فُطِّتَيْ مِ يِعَعٛنْ، ندٜنْ اٛنْ مبٜلْمبٜلْتَيْ؞ وَلَا بَاوَيْطٛ اِتَّنَعٛنْ بٜلْطُمْ ٻٜرْندٜ؞ ‏«‏اٜ ندٜنْ طٛنْ ݧَلْندٜ، اٛنْ تٛرَتَاکٛيَمْ غٛطُّمْ؞ اٜ مِ وِعَعٛنْ غٛونغَ، کٛو طُمٜ طُمْ تٛرِيطٛنْ ݧَاکٛ مٛ دٛوْ ندٜرْ اِنْدٜ اَمْ، اٛ حٛکَّيْعٛنْ طُمْ؞

اٜ مِ وِعَعٛنْ غٛونغَ، اٛنْ مبٛيَيْ، اٛنْ نغَنَّيْ، اَمَّا يِمْٻٜ دُونِيَارُ مبٜلْمبٜلْتَيْ؞ اٛنْ نَنَيْ نَوْطُمْ ٻٜرْندٜ، اَمَّا نَوْطُمْ ٻٜرْندٜ ندٜنْ وَرْتَيْ بٜلْطُمْ ٻٜرْندٜ؞