Popular Bible Verses from Piligu 3

শেয়ার

Dinzuɣu paɣ’ maa ni daa nya ka tia maa wala lihibu mali kɔre, ka viɛl’ ni dibu, ka lan nyɛ ti’ shɛli din ni ti nir’ baŋsim maa, ka o pɔhigi li di, ka zaŋ di shɛli ti ti o yidana, ka o gba di.

Wahu daa nyɛla yɛmbimbiɛrilana n-gari Yawɛ ŋun nyɛ Naawuni ŋɔ ni daa nam mɔɣu ni biŋkɔb’ shɛb’ zaa. Ka wahu daa ti bɔhi paɣ’ maa, “Naawuni yɛliya ni yi miri ka yi di puu ŋɔ ni ti’ shɛli wala?”

Ka n ni zaŋ dimdi niŋ a mini paɣ’ sunsuuni ni a zuliya min’ o zuliya sunsuuni, ka paɣ’ zuliya maa ni ti ŋme m-bɔr’ a zuɣu, ka a mi zuliya ti dim o zuliya napɔŋkpaa.”

Ka Naawuni daa yɛli paɣ’ maa, “N ni chɛ ka a nya biɛrim pam bihi dɔɣibu ni; a shiri ni nya biɛrim bihi dɔɣibu ni; amaa di zaa yoli, a kɔre kul ni be a yidan’ ni, ka o ni su a.”

A ni tum tuun’ kpɛma ka woligu yiri a ni ka a nyari bindirigu diri hal ti lab’ tiŋgbani maa ni, dama di ni ka a daa yina. Taŋkpaɣu n-nyɛ a, ka a ni ti lan lab’ taŋkpaɣu maa ni yaha.”

Ka Naawuni daa ŋmaligi yɛli Adam mi, “A ni deeg’ a paɣ’ noli, ka di ti’ shɛli n ni yɛl’ a ni a miri ka a di la zuɣu, n yɛli noli niŋ tiŋgban’ ni a zuɣu; a yɛn tumdila tuun’ kpɛma di ni n-nyari bindirigu diri hal ni a nyɛvil’ tariga.

Ka Naawuni bɔh’ o, “Ŋuni n-lee yɛl’ a ni a bela a zaɣim? A dila ti’ shɛli n ni yɛl’ a ni a miri ka a di la?”

O ni daa kari ninsal’ yihi Idɛn puu maa ni maa, o daa zaŋla chɛrubinim’ mini takɔbi din nyɛ buɣim niɛm ka ŋmaligiri luɣilikam zali Idɛn puu maa wulimpuhili polo ni bɛ gu so’ shɛli din chani ti’ shɛli din tiri nyɛvil’ maa gbini.

Adam daa bol’ o paɣ’ maa yul’ la Awa, dama ŋuna n-daa nyɛ ninsalinim’ zaa ma.