Popular Bible Verses from Matthew 10

শেয়ার

Ot intuɏuy Jesus un kalala, “Somsomkonyu cha alla. Ibuunku chikayu kan cha lawwing un tagu un isuyu keɏlilu un umoy si inggewan cha atap un asu. Ked masapuyʼn lasilib kayu un isun chi uɏog ya laamu kayu un isun chi kalapati.

Lu silu mangipotog si biyegla, mataɏakla mit laing. Ngim lu silu mangkasutala biyegla gapu kan sakon, ochesala mataguwala si ing-inggala.”

Achi kayu umogyat kan cha mangtoy kan chikayu, ti abus chi long-egyu si otoyoncha, achipuncha makaotoy si kalichodwayu. Ngim abus si Apudyus si umogyatanyu ti makwaʼn yam-alola long-eg ya kalichodwa ud impiyeɏlu.

Ya lu silu achipunla maalusan bukuchon chi krusla ked litun-ud kan sakon, achipun bo lumbong un mandisipulusku.

Intuɏuy Jesus un kalala, “Lu silu mangitakcheɏ kan sakon si sangwalan cha tagu, takcheɏak bo siya si sangwalan Amak ud langit. Ngim lu silu mangisulib kan sakon si sangwalan cha tagu, isula bo un isulibku bo siya si sangwalan Amak ud langit.”

Palin-awaonyu cha lasakit, taguwonyu cha latoy, papeɏkasonyu cha lakuteɏ, peɏyawonyu cha aɏan. Gapu ta lappun imbyayedyu si ilawatyu ked achi kayu bo mampabyayed lu tumuɏung kayu.

Ked achi kayu umogyat, lapotpotog kayu kan Apudyus lu cha achu un tilin!”

Ot kalala bo, “Achiyu kalan un siyad ummaliyak chi inyak palin-awaon cha tagu utla pita. Chakampun! Ngim ummaliyak ta inyak gumulu.