Popular Bible Verses from Kejadian 4

শেয়ার

Amun kalakuan ikam tu bujur, musti Kutarima ikam wan kurban parsambahan ikam. Tapi amun kalakuan ikam tu kada bujur, maka dosa sudah mahadang handak manguasai ikam, tapi ikam tu pang nang samustinya manguasainya.”

Imbah itu, gasan Set diranakakan jua saikung anak lalakian lalu dingaraninya Enos. Wayah itu, hanyar urang bamula mamakai ngaran ALLAH sambil manyambah ALLAH.

“Bil, mana si Habil, ading ikam tu?” ujar Allah batakun lawan Kabil. “Mana ulun tahu? Ulun ni lain tukang jaganya” ujar Kabil manyahut.

“Sudah kaliwaran kalakuan ikam ni. Darah ading ikam bakuciak matan tanah bahadu lawan Aku.

“Kada pacangan nang kaya itu pang! Amun ada jua urang nang mamatiꞌi ikam, urang tu pacangan dibalas pitu kali lipat” ujar Allah lawan Kabil. Lalu Kabil dibari ciri ulih Allah sakira inya kada dimatiꞌi urang.